തിരുവനന്തപുരം: നിയമസഭാ തെരഞ്ഞെടുപ്പിനായുള്ള ആദ്യഘട്ട സ്ഥാനാർത്ഥി പട്ടിക ബിജെപി പ്രഖ്യാപിച്ചു. 47 മണ്ഡലങ്ങളിലേക്കുള്ള സ്ഥാനാർത്ഥികളെയാണ് പാർട്ടി പ്രഖ്യാപിച്ചിരിക്കുന്നത്. നേമം മണ്ഡലത്തിൽ രാജീവ് ചന്ദ്രശേഖർ വീണ്ടും മത്സരിക്കുമ്പോൾ മഞ്ചേശ്വരത്ത് കെ. സുരേന്ദ്രനും പൂഞ്ഞാറിൽ പി.സി ജോർജും മത്സരിക്കും.
വട്ടിയൂർക്കാവിൽ ആർ. ശ്രീലേഖ, പാലക്കാട് ശോഭാ സുരേന്ദ്രൻ, തൃശ്ശൂരിൽ പത്മജ വേണുഗോപാൽ, കാഞ്ഞിരപ്പള്ളിയിൽ അഡ്വ. ജോർജ് കുര്യൻ, പാലായിൽ ഷോൺ ജോർജ് എന്നിവരും സ്ഥാനാർത്ഥികളായി പ്രഖ്യാപിക്കപ്പെട്ടു. കഴക്കൂട്ടത്ത് വി. മുരളീധരൻ, കാട്ടാക്കടയിൽ പി.കെ. കൃഷ്ണദാസ്, തിരുവല്ലയിൽ അനൂപ് ആന്റണി ജോസഫ് എന്നിവർ മത്സരിക്കും.
കൊട്ടാരക്കരയിൽ ആർ. രശ്മി, നെടുമങ്ങാട്ടിൽ യുവരാജ് ഗോകുൽ, ഹരിപ്പാട്ടിൽ സന്ദീപ് വാചസ്പതി, മലമ്പുഴയിൽ സി. കൃഷ്ണകുമാർ, ദേവികുളത്തിൽ എസ്. രാജേന്ദ്രൻ, ഒറ്റപ്പാലത്ത് മേജർ രവി, ബേപ്പൂരിൽ അഡ്വ. കെ.പി. പ്രകാശ് ബാബു, കോഴിക്കോട് നോർത്തിൽ നവ്യ ഹരിദാസ്, കൊയിലാണ്ടിയിൽ സി.ആർ. പ്രഫുൽ കൃഷ്ണൻ, ഷൊർണൂരിൽ സങ്കു ടി ദാസ്, കണ്ണൂരിൽ സി. രഘുനാഥ്, ആറ്റിങ്ങലിൽ അഡ്വ. പി. സുധീർ എന്നിവരും പട്ടികയിൽ ഉൾപ്പെട്ടു.
പട്ടികയിൽ ഏഴ് വനിതാ സ്ഥാനാർത്ഥികൾക്ക് അവസരം നൽകിയിട്ടുണ്ടെന്ന് പാർട്ടി നേതൃത്വം അറിയിച്ചു. സംസ്ഥാനത്തെ വിവിധ മേഖലകളിൽ പുതുമുഖങ്ങളും പരിചയസമ്പന്നരുമായ നേതാക്കളെ ഉൾപ്പെടുത്തിയാണ് ആദ്യഘട്ട പട്ടിക തയ്യാറാക്കിയിരിക്കുന്നത്.
മറ്റു മണ്ഡലങ്ങളിലേക്കുള്ള സ്ഥാനാർത്ഥികളെ അടുത്ത ഘട്ടങ്ങളിൽ പ്രഖ്യാപിക്കുമെന്ന് ബിജെപി നേതൃത്വം അറിയിച്ചു.