അസമിലെ ബൈർണിഹട്ട് ആഗോള മലിനീകരണ പട്ടികയിൽ ഒന്നാമത്; ഡൽഹി ഏറ്റവും മലിനമായ തലസ്ഥാനം

ന്യൂഡൽഹി: ലോകത്തിലെ ഏറ്റവും മലിനമായ 20 നഗരങ്ങളിൽ പതിമൂന്നും ഇന്ത്യയിലാണെന്ന് റിപ്പോർട്ടുകൾ. അസമിലെ ബൈർണിഹത്താണ് പട്ടികയിൽ ഒന്നാമതെന്നും സ്വിസ് എയർ ക്വാളിറ്റി ടെക്‌നോളജി കമ്പനിയായ ഐക്യുഎയറിന്റെ 2024 ലെ വേൾഡ് എയർ ക്വാളിറ്റി റിപ്പോർട്ട് പ്രകാരം ഡൽഹി ആഗോളതലത്തിൽ ഏറ്റവും മലിനമായ തലസ്ഥാന നഗരമായി തുടരുന്നുവെന്നും റിപ്പോർട്ടുകളിൽ പറയുന്നു. അതേസമയം 2023 ൽ മൂന്നാം സ്ഥാനത്ത് നിന്നിരുന്ന ഇന്ത്യ 2024 ൽ ലോകത്തിലെ മലിനമായ അഞ്ചാമത്തെ രാജ്യമായി കുറഞ്ഞു.
അയൽരാജ്യമായ പാക്കിസ്ഥാനിലെ നാല് നഗരങ്ങളും ചൈനയിലെ ഒരു നഗരവും ലോകത്തിലെ ഏറ്റവും മലിനമായ 20 നഗരങ്ങളിൽ ഉൾപ്പെടുന്നു.

ലോകത്തിലെ ഏറ്റവും മലിനമായ 20 നഗരങ്ങളിൽ ഡൽഹിയിലെ ബൈർണിഹട്ട്, പഞ്ചാബിലെ മുള്ളൻപൂർ, ഫരീദാബാദ്, ലോണി, ഗുരുഗ്രാം, ഗംഗാനഗർ, ഗ്രേറ്റർ നോയിഡ, ഭിവാഡി, മുസാഫർനഗർ, ഹനുമാൻഗഡ്, നോയിഡ എന്നിവയാണ് ഉൾപ്പെടുന്നത്.

മൊത്തത്തിൽ, ഇന്ത്യയിലെ 35 ശതമാനം നഗരങ്ങളിലും വാർഷിക PM2.5 അളവ് WHO പരിധിയായ ക്യുബിക് മീറ്ററിന് 5 മൈക്രോഗ്രാം എന്നതിന്റെ 10 മടങ്ങ് കൂടുതലാണെന്ന് റിപ്പോർട്ട് പറയുന്നു.

അസമിന്റെയും മേഘാലയയുടെയും അതിർത്തിയിലുള്ള ഒരു പട്ടണമായ ബൈർണിഹട്ടിൽ ഉയർന്ന തോതിലുള്ള മലിനീകരണം, ഡിസ്റ്റിലറികൾ, ഇരുമ്പ്, സ്റ്റീൽ പ്ലാന്റുകൾ എന്നിവയുൾപ്പെടെയുള്ള പ്രാദേശിക ഫാക്ടറികളിൽ നിന്നുള്ള ഉദ്‌വമനം മൂലമാണ്.
വായു മലിനീകരണം ഇന്ത്യയിൽ ഗുരുതരമായ പ്രശ്നമായി തുടരുകയാണ്, ഇത് ഏകദേശം 5.2 വർഷത്തെ ആയുർദൈർഘ്യം കുറയ്ക്കും.