ഐപിഎൽ ത്രില്ലർ: ഗുജറാത്തിനെ കീഴടക്കി പഞ്ചാബ് കിംഗ്സിന് തകർപ്പൻ വിജയം

അഹമ്മദാബാദ്(Ahammedabadh)നരേന്ദ്ര മോദി സ്റ്റേഡിയത്തിൽ നടന്ന ഐപിഎൽ മത്സരത്തിൽ ഗുജറാത്ത് ടൈറ്റൻസിനെ 11 റൺസിന് തോൽപ്പിച്ച് പഞ്ചാബ് കിംഗ്സ് തകർപ്പൻ വിജയം സ്വന്തമാക്കി. 243 റൺസ് വിജയലക്ഷ്യം പിന്തുടർന്ന ഗുജറാത്ത് 20 ഓവറിൽ 5 വിക്കറ്റ് നഷ്ടത്തിൽ 232 റൺസെടുക്കാനേ സാധിച്ചുള്ളു.

പഞ്ചാബിന്റെ കൂറ്റൻ സ്കോറിലേക്ക് ശ്രേയസ് അയ്യർ, പ്രിയാൻഷ് ആര്യ, ശശാങ്ക് സിംഗ് എന്നിവരുടെ തകർപ്പൻ ബാറ്റിംഗാണ് വഴിയൊരുക്കിയത്. 42 പന്തിൽ 97 റൺസ് നേടിയ ശ്രേയസ് അയ്യർ പുറത്താകാതെ നിന്നു. 23 പന്തിൽ 47 റൺസ് നേടിയ പ്രിയാൻഷ് ആര്യയും 16 പന്തിൽ 44 റൺസ് നേടിയ ശശാങ്ക് സിംഗും ടീമിന്റെ സ്കോർ ഉയർത്തി. 20 ഓവറുകൾ കഴിഞ്ഞപ്പോൾ പഞ്ചാബ് 242/4 എന്ന സ്കോർ കണ്ടെത്തി.

ബാറ്റിംഗ് ചെയ്യാനിറങ്ങിയ ഗുജറാത്ത് ടൈറ്റൻസ് മികച്ച തുടക്കം കുറിച്ചു. സായ് സുദർശൻ-ശുഭ്മാൻ ഗിൽ സഖ്യം ആദ്യ വിക്കറ്റിൽ 61 റൺസ് കൂട്ടിച്ചേർത്തു. പിന്നീട് സായ് സുദർശൻ-ബട്ലർ സഖ്യം 84 റൺസ് കൂട്ടിച്ചേർത്തതോടെ വിജയ സാധ്യതകൾ നിലനിന്നിരുന്നു. എന്നാൽ 13-ാം ഓവറിൽ അർഷ്‌ദീപ് സിംഗ് സായിയെ പുറത്താക്കിയതോടെ ഗുജറാത്ത് സമ്മർദ്ദത്തിലായി. 18-ാം ഓവറിൽ ജോസ് ബട്ലർ പുറത്തായതോടെ ഗുജറാത്തിന് വലിയ തിരിച്ചടിയായി. അവസാന ഓവറിൽ ഷെഫാനെ റുതർഫോർഡും പുറത്തായതോടെ വിജയം പഞ്ചാബിന്റെ കൈവന്നു.

പഞ്ചാബിനായി അർഷ്‌ദീപ് സിംഗ് 2 വിക്കറ്റ് നേടി. ഗുജറാത്തിനായി സായ് സുദർശൻ 74, ജോസ് ബട്ലർ 54, ഷെഫാനെ റുതർഫോർഡ് 46 റൺസ് എന്നിവരാണ് തിളങ്ങിയത്. അവസാനത്തോളം ത്രിൽപടിപ്പിച്ച മത്സരത്തിൽ 11 റൺസിന്റെ തകർപ്പൻ വിജയം പഞ്ചാബ് കിംഗ്സ് സ്വന്തമാക്കി.

Highlights: IPL 2025: Punjab Kings Secure Stunning Victory Over Gujarat Titans