ചാലക്കുടിയിലും പുലിഭീതി: നാട്ടുകാർ ആശങ്കയിൽ

തൃശൂർ (Thrissur):  ചാലക്കുടി മേഖലയിൽ പുലിയുടെ സാന്നിധ്യം ആശങ്ക ഉയർത്തുന്നു. കൊരട്ടയിൽ നേരത്തെ തന്നെ പുലിഭീതിയിലായിരുന്നവർക്കു പിന്നാലെയാണ് കോടശേരിയിലെ വാരംകുഴിയിലും ഭയം പരന്നിരിക്കുന്നത്. ഇവിടെ വിപിൻ എന്നയാളുടെ വീട്ടിൽ വളർത്തുനായയെ പുലി ആക്രമിച്ച് കൊന്നു. തിങ്കളാഴ്ച രാത്രി 8.30ഓടെ വീട്ടുകാർ ശബ്ദം കേട്ട് പുറത്തുവന്നപ്പോൾ പുലി ഓടിപ്പോകുന്നത് കണ്ടതായി നാട്ടുകാർ പറയുന്നു. ചൊവ്വാഴ്ച രാവിലെ വളർത്തുനായയുടെ മൃതദേഹം വീടിന്റെ സമീപത്ത് കണ്ടെത്തി.

കൊരട്ടിയിലെ ചിറങ്ങരയിൽ കഴിഞ്ഞ 14 മുതൽ പുലിഭീതിയിലാണ്. ഇവിടെ നിന്ന് ഒരു വളർത്തുനായയെ പുലി പിടിച്ചുകൊണ്ടുപോയതായും തുടർന്ന് പരിശോധനക്കൊടുവിൽ സിസിടിവി ദൃശ്യങ്ങളിൽ നിന്നും ഇത് സ്ഥിരീകരിക്കപ്പെട്ടതായും വനംവകുപ്പ് അറിയിച്ചു.

വനംവകുപ്പ് മേഖലയിൽ നിരീക്ഷണ ക്യാമറകൾ സ്ഥാപിക്കുകയും പുലിയെ കുടുക്കാനായി രണ്ടു കൂടുകൾ വയ്ക്കുകയും ചെയ്തിരുന്നു. എന്നാൽ ഇപ്പോഴും പുലിയെ പിടികൂടാനായിട്ടില്ല. പ്രദേശത്ത് തുടർച്ചയായി പുലിയെ കണ്ടതായി നാട്ടുകാർ പരാതിപ്പെട്ടതിനെ തുടർന്ന്, ഗവ. ഓഫ് ഇന്ത്യ പ്രസ് പരിസരത്തും പഴയ മദുര കോട്‌സിന്റെ ഭാഗത്തും കൂടി നിരീക്ഷണ ക്യാമറകൾ സ്ഥാപിക്കാനാണ് വനംവകുപ്പ് തീരുമാനം.

വാഴച്ചാൽ ഡി.എഫ്.ഒ. ആർ. ലക്ഷ്മി നൽകിയ വിവരമനുസരിച്ച്, ഇവിടം ഉൾപ്പെടുത്തി അഞ്ച് ക്യാമറകൾ സ്ഥാപിക്കാനാണ് നീക്കം. പുലിയുടെ സാന്നിധ്യത്തെ തുടർന്ന് പ്രദേശവാസികൾ ഭീതിയിലാണ്. വനംവകുപ്പ് ഉചിതമായ നടപടികൾ സ്വീകരിക്കണമെന്ന് നാട്ടുകാർ ആവശ്യപ്പെടുന്നു.

Highlights: Tiger Attack in Chalakudy: Residents in Panic