വയനാട്ടിൽ അദാനി ഗ്യാസിന്റെ ലോറി മറിഞ്ഞു: എസ്റ്റേറ്റ് പാടി തകർന്നു, ആളപായമില്ല

കൽപ്പറ്റ(Kalpetta): വയനാട് വൈത്തിരി ചേലോട് സി.എൻ.ജി സിലിണ്ടറുകളുമായി പോയ ഇന്ത്യൻ ഓയിൽ – അദാനി ഗ്യാസിന്റെ ലോറി മറിഞ്ഞു. ഡ്രൈവർ വാഹനം പാർക്ക് ചെയ്ത് ഇറങ്ങിയപ്പോൾ, ലോറി നിരങ്ങിമാറി സമീപത്തെ ഒരു പാടിയിലേക്ക് മറിയുകയായിരുന്നു. പാടിയുടെ ഒരു ഭാഗം തകർന്നതോടൊപ്പം നാശനഷ്ടവും സംഭവിച്ചു. തകരാർ ഉണ്ടായ പാടിയിൽ താമസിച്ചിരുന്നവർ അപകടത്തിൽ നിന്ന് അത്ഭുതകരമായി രക്ഷപ്പെട്ടു.

അപകടത്തിൽ ആളപായം ഉണ്ടായില്ലെന്ന് അധികൃതർ അറിയിച്ചു. ലോറിയിൽ 60 സിലിണ്ടറുകൾ ഉണ്ടായിരുന്നുവെങ്കിലും, ഒഴിഞ്ഞ സിലിണ്ടറുകളാണ് കൂടുതൽ എന്നും, കുറച്ച് മാത്രമേ സിഎൻജി വാതകമുള്ളതായും കമ്പനി അധികൃതർ വ്യക്തമാക്കി. വാഹനമറിഞ്ഞപ്പോഴും വാതക ചോർച്ചയില്ലെന്നും, പ്രത്യേകമായ ആശങ്ക വേണ്ട സാഹചര്യമില്ലെന്നും അധികൃതർ വ്യക്തമാക്കി.

സിലിണ്ടറുകൾ സമീപത്തുള്ള സിഎൻജി പ്ലാന്റിലേക്ക് നിറയ്ക്കാനായി കൊണ്ടുപോകുകയായിരുന്നു. സംഭവത്തിൽ ബന്ധപ്പെട്ട അധികൃതർ സ്ഥലത്തെത്തി നടപടികൾ സ്വീകരിച്ചിരിക്കുകയാണ്.

Highlights: Adani Gas lorry overturns in Wayanad: Estate destroyed, no casualties