അക്ഷയതൃതീയ ഓഫറുകളുമായി മുത്തൂറ്റ് റോയല്‍ ഗോള്‍ഡ്
കൊച്ചി(KOCHI): മുത്തൂറ്റ് എം. മാത്യു ഗ്രൂപ്പിന്‍റെ കമ്പനികളിലൊന്നായ മുത്തൂറ്റ് റോയല്‍ ഗോള്‍ഡ് പ്രത്യേക അക്ഷയതൃതീയ ഓഫറുകള്‍ പ്രഖ്യാപിച്ചു.
ആഘോഷങ്ങളുടെ ഭാഗമായി ഉപഭോക്താക്കള്‍ക്ക് 999 പരിശുദ്ധിയുള്ള 24 കാരറ്റ് സ്വര്‍ണനാണയങ്ങള്‍, ബിഐഎസ് ഹാള്‍ മാര്‍ക്കുള്ള 916 പരിശുദ്ധിയുള്ള 22 കാരറ്റ് സ്വര്‍ണാഭരണങ്ങള്‍, ആകര്‍ഷകമായ വെള്ളി ആഭരണങ്ങള്‍ എന്നിവ എറണാകുളം കലൂരിലെ റോയല്‍ ടവറില്‍ പ്രവര്‍ത്തിക്കുന്ന മുത്തൂറ്റ് റോയല്‍ ഗോള്‍ഡ് ഹെഡ് ഓഫീസില്‍നിന്നു വാങ്ങാം. ഇന്ത്യയിലുടനീളം ഡെലിവറിയുമുണ്ട്. എല്ലാ സ്വര്‍ണ ഉത്പന്നങ്ങള്‍ക്കും പരിമിതകാലത്തേക്ക് രണ്ടു ശതമാനം കിഴിവും ലഭിക്കും.
ഉപഭോക്താക്കള്‍ക്ക് അവരുടെ ഇഷ്‌ടപ്പെട്ട ആഭരണങ്ങള്‍ മുന്‍കൂട്ടി തെരഞ്ഞെടുക്കാനായി അഡ്വാന്‍സ് ബുക്കിംഗ് ആരംഭിച്ചിട്ടുണ്ട്. കൂടാതെ മുത്തൂറ്റ് റോയല്‍ ഗോള്‍ഡിന്‍റെ ജനകീയമായ കനകവര്‍ഷ സ്വര്‍ണനിക്ഷേപ പദ്ധതികളിലൂടെ മൂന്നു മാസം, ആറു മാസം, 11 മാസം, 20 ദിവസം കാലാവധികളില്‍ ആകര്‍ഷകമായ ബോണസും ലഭിക്കും.
പ്രതിമാസ നിക്ഷേപപദ്ധതികള്‍ 1,000 രൂപ മുതല്‍ ആരംഭിക്കുന്നു. സ്വര്‍ണം, വെള്ളി ശേഖരങ്ങളുടെ പ്രത്യേക ശ്രേണി, ആകര്‍ഷകമായ കിഴിവുകള്‍, യോജിച്ച നിക്ഷേപപദ്ധതികള്‍ എന്നിവയിലൂടെ ഈ അക്ഷയതൃതീയ ഓരോ ഉപഭോക്താവിനും അര്‍ഥവത്താക്കാന്‍ ലക്ഷ്യമിടുന്നുവെന്ന് മുത്തൂറ്റ് റോയല്‍ ഗോള്‍ഡ് പ്രമോട്ടര്‍ ആര്‍ലിന്‍ മാത്യു മുത്തൂറ്റ് പറഞ്ഞു.
Highlights: Muthoot Royal Gold with Akshayatri offers
