പാകിസ്ഥാന് ചൈനയുടെ അടിയന്തര ആയുധസഹായം; പിഎൽ-15 മിസൈലുകൾ നൽകി

ഇസ്ലാമാബാദ് (Islamabad): പഹൽഗാം ഭീകരാക്രമണത്തെ തുടർന്ന് ഇന്ത്യ-പാകിസ്ഥാൻ ബന്ധങ്ങളിൽ ഉയർന്ന സംഘർഷത്തെ പരിഗണിച്ച്, പാകിസ്ഥാനെ പിന്തുണച്ച് ചൈന അടിയന്തരമായി കൂടുതൽ ആയുധങ്ങൾ കൈമാറി. പിഎൽ-15 (PL-15) മിസൈലുകൾ ഉൾപ്പെടെയുള്ള സമകാലിക സൈനിക സഹായമാണ് യുദ്ധകാലാടിസ്ഥാനത്തിൽ പാകിസ്ഥാന് ലഭിച്ചത്.

ഹൽഗാം ഭീകരാക്രമണത്തിൽ നിഷ്പക്ഷമായ അന്വേഷണം വേണമെന്ന പാകിസ്ഥാന്റെ ആവശ്യത്തെ പിന്തുണയ്ക്കുമെന്ന് ചൈന കഴിഞ്ഞ ദിവസം ഔദ്യോഗികമായി അറിയിച്ചു. പാകിസ്ഥാന്റെ വിദേശകാര്യ മന്ത്രി മുഹമ്മദ് ഇഷാഖ് ദാറും ചൈനീസ് വിദേശകാര്യ മന്ത്രി വാങ് യിയും തമ്മിലുണ്ടായ ഫോൺ സംഭാഷണത്തിലാണ് പാകിസ്ഥാനിലേക്കുള്ള ചൈനയുടെ ഉറച്ച പിന്തുണ സ്ഥിരീകരിച്ചത്.

പാകിസ്ഥാന്റെ പരമാധികാരവും ഭൗമഅഖണ്ഡതയും സംരക്ഷിക്കുന്നതിൽ പൂർണ പിന്തുണ ഉറപ്പുനൽകുന്നുവെന്ന് ചൈന അറിയിച്ചു. ഇന്ത്യയിലെയും പാകിസ്ഥാനിലെയും സ്ഥിതിഗതികൾ നിരന്തരം നിരീക്ഷിച്ചുവരികയാണെന്നും, ഭീകരവാദത്തിനെതിരായ പോരാട്ടം അന്താരാഷ്ട്ര സമൂഹത്തിന്റെ സംയുക്ത ബാധ്യതയാണെന്നും വാങ് യി പ്രസ്താവിച്ചു.

പഹൽഗാം ഭീകരാക്രമണവുമായി ബന്ധപ്പെട്ട അന്വേഷണം റഷ്യയോ ചൈനയോ നയിക്കുന്നതിനെ പാകിസ്ഥാൻ അനുകൂലിച്ചു. അതിനായി ചൈനയുമായി പാകിസ്താൻ സജീവ ചർച്ചകളും മുന്നോട്ടുവച്ചു. പിഎൽ-15 മിസൈലുകളുടെ കൈമാറ്റം, പ്രതിരോധശേഷി വർധിപ്പിക്കുന്നതോടൊപ്പം, ഇന്ത്യയുടെ കിഴക്കൻ അതിർത്തിയിലെ ഉത്തേജനങ്ങളും വൻതോതിൽ സ്വാധീനിക്കുമെന്നാണ് വിദഗ്ധർ വിലയിരുത്തുന്നത്.

Highlights: China rushes PL-15 missiles to Pakistan amid India tensions