നിലമ്പൂരിൽ എം സ്വരാജ് സിപിഐഎം സ്ഥാനാർഥി
മലപ്പുറം(Malappuram): നിലമ്പൂര്‍ ഉപതിരഞ്ഞെടുപ്പില്‍ എം സ്വരാജിനെ സിപിഐഎം സ്ഥാനാർഥിയായി പ്രഖ്യാപിച്ചു. പാർട്ടി ചിഹ്നത്തിൽ ആണ് എം സ്വരാജ് മത്സരിക്കുക. സിപിഎം സംസ്ഥാന സെക്രട്ടറി എം വി ഗോവിന്ദനാണ് സ്ഥാനാർത്ഥി പ്രഖ്യാപനം നടത്തിയത്. ഡിവൈഎഫ് ഐ, എസ്എഫ്ഐ മുൻ സംസ്ഥാന സെക്രട്ടറിയായിരുന്നു എം സ്വരാജ്.
പി വി അൻവറുമായി ബന്ധപ്പെട്ടുള്ള രാഷ്ട്രീയ നീക്കങ്ങൾക്കിടെയാണ് സിപിഎമ്മിൻ്റെ പ്രഗത്ഭനായ നേതാവിനെ നിലമ്പൂരിൽ സ്ഥാനാർഥിയാക്കുന്നത്. രാഷ്ട്രീയ പ്രാധാന്യമുള്ള മണ്ഡലമാണ് നിലമ്പൂർ. സഖാവ് കുഞ്ഞാലിയുടെ നാടാണ്. പിവി അൻവർ ഇടത് മുന്നണിയെ വഞ്ചിച്ചു.
അൻവർ ഒറ്റുകൊടുത്തു രാഷ്ട്രീയ യൂദാസാണ് അൻവർ. കാല് പിടിക്കുമ്പോ മുഖത്ത് ചളിവാരി എറിയുന്നു എന്നാണ് അൻവർ യുഡിഎഫിനെ കുറിച്ച് പറഞ്ഞത്. അൻവറിന്റെ ദയനീയ ചിത്രം കേരളം കാണുന്നുണ്ടെന്നും ഗോവിന്ദൻ പറഞ്ഞു.
Highlights: M Swaraj is the CPI(M) candidate in Nilambur
