അലിഗഡ് മുസ്ലിം യൂണിവേഴ്സിറ്റിയിൽ രണ്ടുവർഷ ബി.എഡിന് ഇപ്പോൾ അപേക്ഷിക്കാം

അലിഗഢ് മുസ്ലിം യൂണിവേഴ്സിറ്റിക്ക് കീഴിൽ, അലിഗഢ് (ഉത്തർപ്രദേശ്), മുർഷിദാബാദ് (പശ്ചിമ ബംഗാൾ), മലപ്പുറം (കേരളം) എന്നീ മൂന്നു ക്യാമ്പസുകളിലും ഒരുപോലെ ലഭ്യമാവുന്ന കോഴ്സായ രണ്ടു വർഷ ബി.എഡ് പ്രോഗ്രാമിന് ഇപ്പോൾ ഓൺലൈൻ അപേക്ഷ സമർപ്പിക്കാം. കുറഞ്ഞ ചിലവിലുള്ള പഠനവും പ്രഗത്ഭരായ അധ്യാപകരും വിവിധ സാംസ്കാരിക പൈതൃകമുള്ള വിവിധ ഭാഷക്കാരായ സഹപാഠികളുടെ സമ്പർക്കവും പ്രത്യേകതയാണ്. പ്രവേശനം ലഭിക്കുന്ന ഭൂരിഭാഗം വിദ്യാർത്ഥികൾക്കും സ്കോളർഷിപ്പോട് കൂടിയ പഠനത്തിനും അവസരമുണ്ട്. ദേശീയ തലത്തിൽ നടത്തപ്പെടുന്ന പ്രവേശന പരീക്ഷയിലൂടെ ലഭ്യമാവുന്ന റാങ്ക് അടിസ്ഥാനത്തിലാണ്, പ്രവേശനം. ജൂൺ 1 ന് പ്രവേശന പരീക്ഷ നടക്കും. പ്രവേശന പരീക്ഷയ്ക്ക്, അലിഗഢ് (UP),കൊൽക്കത്ത (W.B),കോഴിക്കോട് (KERALA) എന്നിവിടങ്ങളിൽ കേന്ദ്രങ്ങളുണ്ട്. അപേക്ഷകരുടെ പ്രായം, 2025 ജൂലായ് 1ന് 27 വയസിൽ കവിയരുത്. അപേക്ഷകർക്ക് , ബിരുദത്തിന് ചുരുങ്ങിയത് 50 ശതമാനം മാർക്ക് വേണം. എല്ലാവർക്കും പൊതു പ്രവേശന പരീക്ഷയാണ്. 850/- രൂപയാണ് അപേക്ഷാഫീസ്. അപേക്ഷ സമർപ്പണത്തിനുള്ള അവസാന തീയതി ഏപ്രിൽ 5 ആണ്. ഫൈനോട് കൂടി, ഏപ്രിൽ 12 വരെ അപേക്ഷിക്കാം. 14-04-2025 മുതൽ 18-04-2025 വരെ ലഭ്യമാവുന്ന Correction Window യിലൂടെ അപേക്ഷകർക്ക് തെറ്റുകൾ തിരുത്താനാവും. ഓരോ സെൻ്ററിലും ഉള്ള പ്രോഗ്രാമുകളും അനുവദിക്കപ്പെട്ട സീറ്റുകളും1.മലപ്പുറം സെന്റർ (50 സീറ്റ്)അറബിക് – 3,ഇംഗ്ലീഷ് – 7,ഹിന്ദി – 2,മലയാളം – 4,ഉർദു – 2,സിവിക്സ് – 3,കൊമേഴ്സ്-3,എക്കണോമിക്സ്-3,ജോഗ്രഫി – 3,ഹിസ്റ്ററി – 3,ഇസ്ലാമിക് സ്റ്റഡീസ് – 3,ബയോളജിക്കൽ സയൻസ് – 4,ഫിസിക്കൽ സയൻസ് – 4,മാത്തമാറ്റിക്സ് – 62) അലിഗഢ് ക്യാമ്പസ് (100 സീറ്റ് )അറബിക് – 2,ഇംഗ്ലീഷ് – 13,ഹിന്ദി – 9,പേർഷ്യൻ – 2,സംസ്കൃതം – 2,ഉർദു – 11,സിവിക്സ് – 4,കൊമേഴ്സ് – 2,എക്കണോമിക്സ് – 4,ഫൈൻ ആർട്സ് – 2,ജോഗ്രഫി – 4,ഹിസ്റ്ററി – 4,ഇസ്ലാമിക് സ്റ്റഡീസ് – 2,തിയോളജി – 2, ബയോളജിക്കൽ സയൻസ് – 10,ഹോം സയൻസ് – 4,ഫിസിക്കൽ സയൻസ് – 10,മാത്തമാറ്റിക്സ് – 13, 3) മുർഷിദാബാദ് സെന്റർ (50 സീറ്റ്)അറബിക് – 3,ബംഗാളി – 4,ഇംഗ്ലീഷ് – 7,ഹിന്ദി – 3,ഉർദു – 3,സിവിക്സ് – 3,കൊമേഴ്സ് – 3,എക്കണോമിക്സ് – 3,ജോഗ്രഫി – 3,ഹിസ്റ്ററി – 3,ബയോളജിക്കൽ സയൻസ്-4,ഫിസിക്കൽ സയൻസ് -4,മാത്തമാറ്റിക്സ് – 7. 100 മാർക്കിനുള്ള 100 ചോദ്യങ്ങളുണ്ടാകും. തെറ്റുത്തരത്തിന് നെഗറ്റീവ് മാർക്കുണ്ട് ഒരു ഉത്തരം തെറ്റിയാൽ, 0.25 മാർക്ക് കുറയും. ReasoningGeneral EnglishTeaching AptitudeCurrent educational affairs കൂടുതൽ വിവരങ്ങൾക്കും അപേക്ഷാ സമർപ്പണത്തിനുംhttps://www.amucontrollerexams.com/