‘ദ കേരള സ്റ്റോറി’ക്ക് ഇല്ലാത്ത സെൻസർ കട്ട് എംപുരാന് എന്തിനെന്ന് മന്ത്രി

തിരുവനന്തപുരം(Trivandrum): കേരളത്തെ അപകീർത്തിപ്പെടുത്തുന്ന രീതിയിൽ അവതരിപ്പിക്കപ്പെട്ട ‘ദ കേരള സ്റ്റോറി’ക്ക് സെൻസർ ബോർഡ് കട്ട് ഇല്ലാതിരുന്നതിനാൽ, മോഹൻലാൽ-പൃഥ്വിരാജ് ചിത്രമായ ‘എമ്പുരാൻ’യ്ക്ക് സെൻസർ ബോർഡ് ഇടപെടൽ എന്തിനെന്ന ചോദ്യവുമായി പൊതു വിദ്യാഭ്യാസവും തൊഴിലും വകുപ്പ് മന്ത്രി വി ശിവൻകുട്ടി രംഗത്ത്.

ഗുജറാത്ത് കലാപവും ഗോധ്ര സംഭവവും ഇന്ത്യൻ ചരിത്രത്തിന്റെ ഭാഗമാണെന്നും, അത് എന്തു തിരുകാലായാലും മറയ്ക്കാനാകില്ലെന്നും മന്ത്രി അഭിപ്രായപ്പെട്ടു. സിനിമയുടെ ഉള്ളടക്കത്തിന്റെ പേരിൽ ഭീഷണി മുഴക്കുകയും സൈബർ ആക്രമണം നടത്തുകയും ചെയ്യുന്നത് മുൻചെയ്തികളെ ഭയക്കുന്നവരാണെന്നും അദ്ദേഹം കൂട്ടിച്ചേർത്തു. ജനാധിപത്യത്തിന്റെ അടിസ്ഥാന മൂല്യമായ ആവിഷ്കാര സ്വാതന്ത്ര്യം നിലനിർത്തേണ്ടതാണെന്നും മന്ത്രി ചൂണ്ടിക്കാട്ടി.

‘എമ്പുരാൻ’ എന്ന സിനിമയിൽ ചില ഭാഗങ്ങളിൽ മാറ്റം വരുത്താനാണ് തീരുമാനമായതെന്ന് റിപ്പോർട്ടുകൾ വ്യക്തമാക്കുന്നു. ചിത്രത്തിൽ 17-ലേറെ ഭാഗങ്ങളിൽ മാറ്റം വരുമെന്നും, കലാപത്തിന്റ ദൃശ്യങ്ങൾ, സ്ത്രീകൾക്കെതിരായ ആക്രമണ ദൃശ്യങ്ങൾ എന്നിവ പരിഷ്‌കരിക്കുമെന്നും അറിയുന്നു. വില്ലൻ കഥാപാത്രത്തിന്റ പേരിലും മാറ്റം വരും. എന്നാൽ ഇത് റീ-സെൻസറിങ് അല്ല, നിർമാതാക്കൾ തന്നെയാണ് മോഡിഫിക്കേഷൻ ആവശ്യപ്പെട്ടതെന്നാണ് റിപ്പോർട്ടുകൾ സൂചിപ്പിക്കുന്നത്.

ചിത്രം പ്രദർശനത്തിനിടെ ഉയർന്ന പ്രതിഷേധങ്ങളെയും വിമർശനങ്ങളെയും തുടർന്ന്, വോളന്ററി മോഡിഫിക്കേഷൻ വരുത്താനുള്ള തീരുമാനം നടപ്പാക്കുകയാണെന്ന് വ്യക്തമാക്കുന്നു. തിങ്കളാഴ്ചയോടെ മാറ്റം പൂർത്തിയാക്കുമെന്നും അതുവരെ സിനിമ പ്രദർശനം തുടരുമെന്നും അറിയിക്കുന്നു.

‘എമ്പുരാൻ’ സിനിമയെതിരെ ആർഎസ്എസ് മുഖപത്രവും നേതാക്കളും രൂക്ഷവിമർശനവുമായി രംഗത്തെത്തിയിരുന്നു. ഈ പശ്ചാത്തലത്തിലാണ് സിനിമയിൽ മാറ്റം വരുത്താനുള്ള നിർമാതാക്കളുടെ തീരുമാനം.

Highlights: The Kerala Story’ lacked a censor cut—why is it required for ‘Empuraan asks Minister