പാകിസ്ഥാനെതിരെ ഡിജിറ്റൽ സ്ട്രൈക്ക്! നിരോധിച്ചത് 8000 എക്സ് അക്കൗണ്ടുകൾ
ന്യൂ ഡൽഹി ( New Delhi): ജമ്മു ഉൾപ്പെടെ നിരവധി പ്രദേശങ്ങളിൽ പാകിസ്ഥാൻ കഴിഞ്ഞ ദിവസങ്ങളിൽ നടത്തിയ ആക്രമണങ്ങൾക്കിടയിൽ ഡിജിറ്റൽ രംഗത്തും അവര്‍ക്ക് തിരിച്ചടി. ഇന്ത്യൻ സർക്കാരിന്‍റെ ആവശ്യപ്രകാരം സോഷ്യൽ മീഡിയ പ്ലാറ്റ്‌ഫോമായ എക്സ് ഇന്ത്യയില്‍ 8,000-ത്തിലധികം അക്കൗണ്ടുകൾ ബ്ലോക്ക് ചെയ്യാൻ തുടങ്ങി. കമ്പനിയുടെ ഗ്ലോബൽ ഗവൺമെന്‍റ് അഫയേഴ്‌സ് ടീം തന്നെയാണ് ഈ വിവരം നൽകിയത്.
കമ്പനി പറയുന്നതനുസരിച്ച്, ഈ ഉത്തരവുകളിൽ വ്യക്തമായി പറയുന്നത് എക്സ് ഈ അക്കൗണ്ടുകൾ ബ്ലോക്ക് ചെയ്തില്ലെങ്കിൽ, കമ്പനിക്ക് കനത്ത പിഴ നേരിടേണ്ടിവരുമെന്നും ഇന്ത്യയിലെ ജീവനക്കാർക്ക് ജയിലിൽ പോകേണ്ടിവരുമെന്നും ആണ്. ബ്ലോക്ക് ചെയ്ത അക്കൗണ്ടുകളിൽ അന്താരാഷ്ട്ര മാധ്യമ സ്ഥാപനങ്ങളുടെയും ചില സെലിബ്രിറ്റികളുടെയും പ്രൊഫൈലുകളും ഉൾപ്പെടുന്നു. മിക്ക കേസുകളിലും ഈ അക്കൗണ്ടുകൾ ഏത് നിയമം ലംഘിച്ചുവെന്ന് സർക്കാർ വെളിപ്പെടുത്തിയിട്ടില്ലെന്ന് എക്സ് പറഞ്ഞു. ഇന്ത്യയിൽ പ്ലാറ്റ്‌ഫോമിന്‍റെ സേവനങ്ങൾ തുടരുന്നതിനായി ഈ അക്കൗണ്ടുകൾ ഇന്ത്യയിൽ മാത്രമേ ബ്ലോക്ക് ചെയ്യുന്നുള്ളൂ എന്ന് എക്സ് പറയുന്നു.
Highlights: Digital strike against Pakistan! 8000 X accounts banned
