സിറിയ പ്രസിഡന്റിന്റെ വസതിക്ക് സമീപം ബോംബിട്ട് ഇസ്രയേല്‍
ടെല്‍ അവീവ്(Tel Aviv): സിറിയയില്‍ വ്യോമാക്രമണം നടത്തി ഇസ്രയേല്‍. സിറിയ പ്രസിഡന്റിന്റെ വസതിയുടെ 100 മീറ്റര്‍ അടുത്താണ് ബോംബിട്ടത്. ന്യൂനപക്ഷമായ ഡ്രൂസ് മതവിഭാഗത്തിനു ഭീഷണിയാകുന്ന വിധം സര്‍ക്കാര്‍ സേനാവിന്യാസം അനുവദിക്കില്ലെന്ന് ഇസ്രയേല്‍ പറഞ്ഞു. സംഘര്‍ഷം രൂക്ഷമാക്കാനുള്ള നീക്കമാണ് ഇസ്രയേലിന്റേതെന്ന് ഇടക്കാല പ്രസിഡന്റ് അഹമ്മദ് അല്‍ ഷരാ ആരോപിച്ചു.
ഡ്രൂസ് വിഭാഗക്കാര്‍ ഇസ്രയേലിലും ഇസ്രയേലിന്റെ അധീനതയിലുള്ള ഗോലാന്‍ കുന്നുകളിലും താമസിക്കുന്നുണ്ട്. ഇസ്രയേല്‍ സൈന്യത്തിലും ഇവരുണ്ട്. ഇതിനിടെ, ഗാസയിലേക്കു സഹായം കയറ്റി വന്ന കപ്പലിനു നേരെ മാള്‍ട്ടയ്ക്കു സമീപം ഡ്രോണ്‍ ആക്രമണമുണ്ടായി. കപ്പലിനു തീപിടിച്ചെങ്കിലും അണയ്ക്കാന്‍ കഴിഞ്ഞു. ഇസ്രയേലാണു പിന്നിലെന്ന് സഹായവിതരണ ഏജന്‍സി ആരോപിച്ചു.
Highlights: Israel bombs near Syrian president’s residence
