ടി.പത്മനാഭന്‍ ആശുപത്രിയില്‍
ആശങ്കപ്പെടേണ്ട സാഹചര്യമില്ലെന്ന് ഡോക്ടര്‍മാര്‍
കണ്ണൂര്‍: കഥാകൃത്ത് ടി.പത്മനാഭനെ ദേഹാസ്വാസ്ഥ്യത്തെത്തുടര്‍ന്ന് ചാലയിലെ ആസ്റ്റര്‍ മിംസ് ആശുപത്രിയില്‍ പ്രവേശിപ്പിച്ചു.
ഞായറാഴ്ച രാവിലെ 10.30-ഓടെ സംസാരിക്കുമ്പോള്‍ നാവ് കുഴയുകയും ശാരീരിക ക്ഷീണം അനുഭവപ്പെടുകയും ചെയ്തതിനെ ത്തുടര്‍ന്നാണ് ചികിത്സ തേടിയത്.
എം.ആര്‍.ഐ. സ്‌കാന്‍ ഉള്‍പ്പെടെയുള്ള പരിശോധനകള്‍ നടത്തി. ആശങ്കപ്പെടേണ്ട സാഹചര്യമില്ലെന്ന് ഡോക്ടര്‍മാര്‍ അറിയിച്ചു. രണ്ടുദിവസം കൂടി ആസ്പത്രിയില്‍ നിരീക്ഷണത്തില്‍ തുടരും.
