ഇടിമിന്നലേറ്റ് ഗൃഹനാഥ മരിച്ചു

കൊച്ചി(Kochi): മഴ പെയ്യുന്നത് കണ്ട് ഉണക്കാനിട്ട വസ്ത്രങ്ങൾ അയയിൽ നിന്നെടുക്കുന്നതിനിടെ അങ്കമാലി നഗരസഭ കൗൺസിലറുടെ മാതാവ് ഇടിമിന്നലേറ്റ് മരിച്ചു. അങ്കമാലി നഗരസഭ 10ാം വാർഡ് വേങ്ങൂർ ഐക്കപ്പാട്ട് വീട്ടിൽ വേലായുധൻറെ ഭാര്യ വിജയമ്മയാണ് (65) മരിച്ചത്.

ബിജെപി കൗൺസിലർ എ വി രഘുവിന്റെ അമ്മയാണ്. ബുധനാഴ്ച വൈകിട്ട് നാലിനായിരുന്നു സംഭവം. മുറ്റത്തെ അയയിൽനിന്ന് വസ്ത്രങ്ങൾ എടുക്കുന്നതിനിടെ ശക്തമായ മഴയോടൊപ്പമുണ്ടായ ഇടിമിന്നലിലാണ് മരണം.

ഉടൻ തന്നെ അങ്കമാലി എൽഎഫ് ആശുപത്രിയിലെത്തിച്ചെങ്കിലും രക്ഷിക്കാനായില്ല. മറ്റ് മക്കൾ: രമേശൻ (ആതിര ഹോട്ടൽ, വേങ്ങൂർ), രമ. മരുമക്കൾ: ദേവി, രാധാകൃഷ്ണൻ (ഫോട്ടോഗ്രാഫർ), പ്രീതി രഘു (അധ്യാപിക). സംസ്കാരം വ്യാഴാഴ്ച ഉച്ചക്ക് രണ്ടിന് വീട്ടുവളപ്പിൽ.