ജോസഫ് മാർ ഗ്രിഗോറിയോസ് മെത്രാപ്പൊലീത്ത യാക്കോബായ സഭയുടെ കാതോലിക്കാ ബാവയായി

ബെയ്റൂട്ട്(Beirut) :യാക്കോബായ സഭയുടെ പുതിയ കാതോലിക്കാ ബാവയായി ജോസഫ് മാർ ഗ്രിഗോറിയോസ് മെത്രാപ്പൊലീത്ത ചുമതലയേറ്റു. ലബനൻ തലസ്ഥാനമായ ബെയ്റൂട്ടിലെ സെൻറ് മേരീസ് കത്തീഡ്രലിൽ വച്ച് നടന്ന സ്ഥാനാരോഹണച്ചടങ്ങിൽ ആകമാന സുറിയാനി സഭയുടെ തലവനായ പാത്രിയർക്കീസ് ബാവ ചടങ്ങുകൾക്ക് നേതൃത്വം നൽകി.

ബസേലിയോസ് ജോസഫ് കാതോലിക്കാ ബാവ എന്ന സ്ഥാനപ്പേരാണ് ജോസഫ് മാർ ഗ്രിഗോറിയോസ് മെത്രാപ്പൊലീത്ത സ്വീകരിച്ചത്.

ജീവിതവും വൈദിക സേവനവും

∙ ജനനം: 1960 നവംബർ 10, മുളന്തുരുത്തി, എറണാകുളം
∙ മാതാപിതാക്കൾ: പെരുമ്പിള്ളി സ്രാമ്പിക്കൽ വർഗീസ് & സാറാമ്മ
∙ ശെമ്മാശപ്പട്ടം: 13-ആം വയസ്സിൽ
∙ വിദ്യാഭ്യാസം:

എറണാകുളം മഹാരാജാസ് കോളേജ്

അയർലൻഡ് & യു.എസ്.യിൽ ഉന്നത വിദ്യാഭ്യാസം
∙ മെത്രാപ്പൊലീത്താ സ്ഥാനാരോഹണം: 33-ആം വയസ്സിൽ, പാത്രിയാർക്കീസ് ബാവയുടെ അഭിഷേകം’

പള്ളി തർക്കവും പുതിയ നേതൃത്വം

സമാനതകളില്ലാത്ത പ്രതിസന്ധികൾക്കിടയിലാണ് ജോസഫ് മാർ ഗ്രിഗോറിയോസ് മെത്രാപ്പൊലീത്ത യാക്കോബായ സഭയുടെ കാതോലിക്കാ ബാവയുടെ ചുമതലയേൽക്കുന്നത്. ഓർത്തഡോക്സ് സഭയുമായി പള്ളി തർക്കത്തിൽ സമവായ നീക്കങ്ങൾക്കായി തയ്യാറാണെന്ന നിലപാടിനെ പ്രതീക്ഷയോടെയാണ് സഭയും പൊതുസമൂഹവും നോക്കുന്നത്.


കാതോലിക്കാ ബാവയായി തെരഞ്ഞടുപ്പ്

വൈദിക ജീവിതത്തിൽ 50 വർഷം പിന്നിടുമ്പോഴാണ് ജോസഫ് മാർ ഗ്രിഗോറിയോസ് കാതോലിക്കാ ബാവയായി ഉയർന്നത്. 2019 മുതൽ സഭയുടെ മെത്രാപ്പൊലീത്തൻ ട്രസ്റ്റി ആയിരുന്നു.

തോമസ് പ്രഥമൻ ബാവ അനാരോഗ്യത്തെ തുടർന്ന് ഭരണനിര്വഹണം ഒഴിഞ്ഞതോടെ, സഭയെ മുന്നോട്ട് നയിച്ച നേതാവിന്റെ അംഗീകാരമായിട്ടാണ് പുതിയ പദവി.

യാക്കോബായ സഭ സാമൂഹ്യ-ആധ്യാത്മിക വെല്ലുവിളികളെ അതിജീവിക്കുന്നതിൽ പുതിയ കാതോലിക്കാ ബാവയുടെ നേതൃത്വം നിർണായകമാകും

Highlights: Joseph Mar Gregorios Metropolitan was enthroned as the Catholicos of the Jacobite Church.

.