ഗോപുര നട തുറന്ന് ശിവൻ: ഹർഷാരവം മുഴക്കി ജനം

നാളെ പൂരങ്ങളുടെ പൂരം

തൃശൂർ (Thrissur): നെയ്തലക്കാവ് അമ്മയുടെ തിടമ്പേറ്റി കൊമ്പൻ എറണാകുളം ശിവകുമാർ തെക്കേഗോപുര നട തുറന്ന് പൂരം വിളംബരം നടത്തി. ഒരു വർഷം നീണ്ട കാത്തിരിപ്പവസാനിപ്പിച്ച് മലയാളികൾ, നാളെ തൃശൂർ പൂരം.     വർഷങ്ങളോളം തെക്കേ ഗോപുര നട തുറന്ന് പൂര വിളംബരം നടത്തിയിരുന്നത് തെച്ചിക്കോട്ടുക്കാവ് രാമചന്ദ്രനായിരുന്നു. ഏഴു വർഷം മുമ്പ് ഇതിന് മാറ്റം വന്നു.

നിലവിൽ എറണാകുളം ശിവകുമാറാണ് തെക്കേ ഗോപുര നട തുറന്ന് പൂര വിളംബരം നടത്തുന്നത്. കൊച്ചിൻ ദേവസ്വത്തിന്റെ ഉടമസ്ഥതയിലുള്ള ആനയാണ് എറണാകുളം ശിവകുമാർ. തുടർച്ചയായ അഞ്ചാം തവണയാണ് ശിവകുമാർ പൂരത്തിന് വിളംബരമേകുന്നത്. നെയ്തലക്കാവ് ഭഗവതിയുടെ തിടമ്പേറ്റിയിരുന്ന രാമചന്ദ്രൻ ഇക്കുറി പൂരത്തിൻ്റെ  പ്രധാന ഘടകക്ഷേത്രമായ ചെമ്പൂക്കാവ് കാർത്ത്യായനി ക്ഷേത്രത്തിനു വേണ്ടി കോലമേന്തും.

Highlights: Thrissur poora vilambaram