മില്ലിലെ ലിഫ്റ്റിൻ്റെ ഇരുമ്പുകയർ പൊട്ടി ദേഹത്ത് വീണ് യുവാവിന് ദാരുണാന്ത്യം

മലപ്പുറം(Malappuram): മലപ്പുറത്ത് ധാന്യപ്പൊടി മില്ലിലെ ലിഫ്റ്റ് പൊട്ടിവീണ് യുവാവിന് ദാരുണാന്ത്യം. മലപ്പുറം ഹാജിയാർപ്പള്ളി മുതുവത്തുപറമ്പ് സ്വദേശി അജ്‌നാസ്‌(23) ആണ് മരിച്ചത്. ഹാജിയാർപ്പള്ളി അമ്പായത്തോട്ടിൽ പ്രവർത്തിക്കുന്ന മില്ലിലെ ലിഫ്റ്റിൻ്റെ ഇരുമ്പുകയർ പൊട്ടി ദേഹത്തേക്ക് വീഴുകയായിരുന്നു. ഇവിടുത്തെ ജീവനക്കാരനായിരുന്നു അജ്‌നാസ്‌. ബുധനാഴ്ച രാത്രി പത്തിന് അരിച്ചാക്കുകൾ നിറച്ച് ലിഫ്റ്റ് ഉയർത്തുന്നതിനിടെയായിരുന്നു അപകടം ഉണ്ടായത്. പത്ത് മീറ്ററോളം ഉയരത്തിൽ നിന്ന് രണ്ട് ചാക്ക് അരിയടക്കമാണ് വീണത്.

അതേസമയം ആദ്യം മലപ്പുറത്തെയും പിന്നീട് പെരിന്തൽമണ്ണയിലെയും സ്വകാര്യ ആശുപത്രികളിൽ പ്രവേശിപ്പിച്ചെങ്കിലും ജീവൻ രക്ഷിക്കാനായില്ല. വ്യാഴാഴ്ച രാവിലെ അ‍ഞ്ച് മണിയോടെ മരണം സംഭവിക്കുകയായിരുന്നു. സംഭവത്തിൽ പൊലീസ് അസ്വാഭാവിക മരണത്തിന് കേസെടുത്തു.

Highlights: A young man died tragically after the iron rope of the lift in the mill broke and fell on him.