ശക്തമായ കാറ്റിനെ തുടർന്ന് ഇൻഡിഗോ വിമാനം ഡൽഹിയിൽ ഇറങ്ങിയത് അരമണിക്കുറോളം വൈകി

ന്യൂഡൽഹി(New Delhi): ശക്തമായ മഴയും കാറ്റും അനുഭവപ്പെട്ടതിനെ തുടർന്ന് ഡൽഹിയിൽ ഇൻഡിഗോ വിമാനത്തിൻ്റെ ലാൻഡിംഗ് പൈലറ്റ് വൈകിച്ചു. റായ്പൂരിൽ നിന്ന് ഡൽഹിയിലേക്ക് പറന്ന 6E 6313 വിമാനത്തിൻ്റെ ലാൻഡിംഗാണ് വൈകിയത്.

റായ്പൂരിൽ നിന്ന് ഡൽഹിയിലെ ഇന്ദിരാഗാന്ധി അന്താരാഷ്ട്ര വിമാനത്താവളത്തിൽ 5.05 ന് എത്തിച്ചേരേണ്ട ഇൻഡിഗോ വിമാനമായിരുന്നു ഇത്. ശക്തമായ കാറ്റ് കാരണം 5.43 നാണ് വിമാനം ലാൻഡ് ചെയ്തത്. മണിക്കൂറിൽ 80 കിലോമീറ്റർ വേഗതയിൽ കാറ്റ് വീശുന്നതിനാൽ വിമാനം ലാൻഡിംഗ് ചെയ്യാൻ കഴിയില്ലയെന്ന് പൈലറ്റ് വ്യക്തമാക്കി.വിമാനം വീണ്ടും ഉയരത്തിലേക്ക് ഉയർത്തണമെന്നും അദ്ദേഹം വ്യക്തമാക്കിയിരുന്നു.

അതേസമയം ഡൽഹിയുടെ ചില ഭാഗങ്ങളിൽ ഇന്നലെ ഇടിമിന്നലോടുകൂടി ശക്തമായ മഴയും കാറ്റും ഉണ്ടായതായി ഇന്ത്യൻ കാലാവസ്ഥാ വകുപ്പ് അറിയിച്ചു.കിഴക്ക്-തെക്കുകിഴക്ക് ദിശയിലേക്ക് നീങ്ങുന്ന മേഘക്കൂട്ടമാണ് കാലാവസ്ഥാ വ്യതിയാനത്തിന് കാരണമായതെന്നും കാലാവസ്ഥാ വകുപ്പ് (IMD) പറഞ്ഞു. ഡൽഹിയിലെ തെക്കൻ ഭാഗങ്ങളിൽ മണിക്കൂറിൽ 30 മുതൽ 40 കിലോമീറ്റർ വരെ വേഗതയിൽ കാറ്റ് വീശിയതായും രണ്ട് മണിക്കൂറിനുള്ളിൽ മണിക്കൂറിൽ 50 കിലോമീറ്റർ വരെ വേഗതയിൽ കാറ്റ് വീശിയതായും റിപ്പോർട്ടുണ്ട്.

Highlights: IndiGo flight lands in Delhi after half an hour delay due to strong winds