പാകിസ്ഥാനുവേണ്ടി ചാരവൃത്തി: എട്ടു സംസ്ഥാനങ്ങളിൽ 15 ഇ​ട​ങ്ങ​ളി​ൽ എൻഐഎ റെയ്ഡ്

ന്യൂ​ഡ​ൽ​ഹി(New Delhi): പാ​കിസ്ഥാ​വേ​ണ്ടി​യു​ള്ള ചാ​ര​വൃ​ത്തി ആ​രോ​പി​ച്ച് എ​ട്ട് സം​സ്ഥാ​ന​ങ്ങ​ളി​ലാ​യി 15 ഇ​ട​ങ്ങ​ളി​ൽ ദേ​ശീ​യ അ​ന്വേ​ഷ​ണ ഏ​ജ​ൻ​സി (എ​ൻ​ഐ​എ) റെ​യ്ഡ് ന​ട​ത്തി. ഡ​ൽ​ഹി, മ​ഹാ​രാ​ഷ്‌​ട്ര, ഹ​രി​യാ​ന, ഉ​ത്ത​ർ​പ്ര​ദേ​ശ്, രാ​ജ​സ്ഥാ​ൻ, ഛത്തീ​സ്ഗ​ഡ്, ആ​സാം, ബം​ഗാ​ൾ തു​ട​ങ്ങി​യ സം​സ്ഥാ​ന​ങ്ങ​ളി​ലാ​ണ് പാ​ക് ര​ഹ​സ്യാ​ന്വേ​ഷ​ണ ഏ​ജ​ൻ​സി​യു​മാ​യി ബ​ന്ധ​മു​ണ്ടെ​ന്ന സം​ശ​യ​ത്തി​ൽ എ​ൻ​ഐ​എ തെ​ര​ച്ചി​ൽ ന​ട​ത്തി​യ​ത്.

ക​ഴി​ഞ്ഞ ദി​വ​സം രാ​ജ​സ്ഥാ​ൻ സ്വ​ദേ​ശി​യാ​യ സി​ആ​ർ​പി​എ​ഫ് ഉ​ദ്യോ​ഗ​സ്ഥ​നെ ചാ​ര​പ്ര​വൃത്തി ആ​രോ​പി​ച്ച് എ​ൻ​ഐ​എ അ​റ​സ്റ്റ് ചെ​യ്തി​രു​ന്നു. ഇ​തേത്തുട​ർ​ന്നു ല​ഭി​ച്ച വി​വ​ര​ങ്ങ​ളു​ടെ അ​ടി​സ്ഥാ​ന​ത്തി​ലാ​ണ് വ്യാ​പ​ക റെ​യ്ഡ്. ഇ​യാ​ളു​മാ​യി ബ​ന്ധ​മു​ണ്ടെ​ന്നു സം​ശ​യി​ക്കു​ന്ന​വ​രെ കേ​ന്ദ്രീ​ക​രി​ച്ചാ​യി​രു​ന്നു റെ​യ്ഡ്. റെ​യ്ഡി​നി​ട​യി​ൽ സം​ശ​യാ​സ്പ​ദ​മാ​യ രീ​തി​യി​ൽ ഇ​ല​ക്‌​ട്രോ​ണി​ക് ഉ​പ​ക​ര​ണ​ങ്ങ​ളും സാ​ന്പ​ത്തി​ക​രേ​ഖ​ക​ളും ക​ണ്ടെ​ത്തി​യ​താ​യി എ​ൻ​ഐ​എ വ്യ​ക്ത​മാ​ക്കി.

ഇ​ന്ത്യാവി​രു​ദ്ധ ഭീ​ക​ര ഗൂ​ഢാ​ലോ​ച​ന​യു​ടെ ഭാ​ഗ​മാ​യി പാ​ക്കി​സ്ഥാ​ൻ ആ​സ്ഥാ​ന​മാ​യു​ള്ള ഭീ​ക​ര​ർ​ക്കുവേ​ണ്ടി ചാ​ര​വൃ​ത്തി ന​ട​ത്തു​ന്ന റാ​ക്ക​റ്റി​നെ​ക്കു​റി​ച്ചു​ള്ള വി​വ​ര​ങ്ങ​ൾ ല​ഭി​ക്കാ​ൻ വേ​ണ്ടി​യാ​ണ് വ്യാ​പ​ക പ​രി​ശോ​ധ​ന ന​ട​ത്തി​യ​തെ​ന്നാ​ണ് എ​ൻ​ഐ​എ അ​റി​യി​ച്ച​ത്.

അ​റ​സ്റ്റി​ലാ​യ സി​ആ​ർ​പി​എ​ഫ് ഉ​ദ്യോ​ഗ​സ്ഥ​നെ​തി​രേ ഭാ​ര​തീ​യ ന്യാ​യ​സം​ഹി​ത, നി​യ​മ​വി​രു​ദ്ധ പ്ര​വ​ർ​ത്ത​ന​ങ്ങ​ൾ (ത​ട​യ​ൽ) നി​യ​മം എ​ന്നി​വ​യു​ടെ വി​വി​ധ വ​കു​പ്പു​ക​ൾ പ്ര​കാ​രം ര​ജി​സ്റ്റ​ർ ചെ​യ്ത കേ​സി​ൽ അ​ന്വേ​ഷ​ണം തു​ട​രു​ക​യാ​ണെ​ന്ന് എ​ൻ​ഐ​എ വ്യ​ക്ത​മാ​ക്കി.

2023 മു​ത​ൽ പാ​ക് ര​ഹ​സ്യാ​ന്വേ​ഷ​ണ ഏ​ജ​ൻ​സി​യു​മാ​യി ത​ന്ത്ര​പ്ര​ധാ​ന വി​വ​ര​ങ്ങ​ൾ കൈ​മാ​റി​യ​തി​നെത്തു​ട​ർ​ന്നാ​ണ് സി​ആ​ർ​പി​എ​ഫ് ഉ​ദ്യോ​ഗ​സ്ഥ​നെ എ​ൻ​ഐ​എ ക​സ്റ്റ​ഡി​യി​ലെ​ടു​ത്ത​തും പി​ന്നീ​ട് അ​റ​സ്റ്റ് ചെ​യ്ത​തും. വി​ഐ​പി വാ​ഹ​ന വ്യൂ​ഹ​ങ്ങ​ളു​ടെ അ​ട​ക്കം നീ​ക്ക​ങ്ങ​ൾ ഇ​യാ​ൾ പാ​ക്കി​സ്ഥാ​ന് കൈ​മാ​റി​യി​രു​ന്ന​താ​യും എ​ൻ​ഐ​എ ക​ണ്ടെ​ത്തി. പാ​ക്കി​സ്ഥാ​ൻ ബ​ന്ധം ക​ണ്ടെ​ത്തി​യ​തി​നെ ത്തുട​ർ​ന്ന് യുട്യൂ​ബ് വ്ലോ​ഗ​റെ അ​ട​ക്കം എ​ൻഐഎ അ​റ​സ്റ്റ് ചെ​യ്തി​രു​ന്നു.

Highlights: Spying for Pakistan: NIA raids 15 places in eight states