ചെനാബ് റെയിൽവേ പാലം പ്രധാനമന്ത്രി ഉദ്ഘാടനം ചെയ്തു

ശ്രീന​ഗർ(Srinagar): ലോകത്തിലെ ഏറ്റവും ഉയരം കൂടിയ റെയിൽവേ കമാന പാലമായ ചെനാബ് റെയിൽവേ പാലം പ്രധാനമന്ത്രി നരേന്ദ്ര മോദി ഉദ്ഘാടനം ചെയ്തു. ജമ്മു കശ്മീർ മുഖ്യമന്ത്രി ഒമർ അബ്ദുല്ല, റെയിൽവേ മന്ത്രി അശ്വിനി വൈഷ്ണവ് എന്നിവർ പരിപാടിയിൽ പങ്കെടുത്തു. ഉദംപൂർ-ശ്രീനഗർ-ബാരാമുള്ള റെയിൽ ലിങ്ക് (USBRL) പദ്ധതിയുടെ നിർണായക ഭാഗമാണ് ചെനാബ് പാലം.

ചെനാബ് നദിയിൽ നിന്ന് 359 മീറ്റർ ഉയരത്തിൽ സ്ഥിതി ചെയ്യുന്ന ഈ പാലത്തിന് ഈഫൽ ടവറിനേക്കാൾ ഉയരമുണ്ട്. 1,315 മീറ്ററാണ് പാലത്തിന്റെ നീളം. 260 കിലോമീറ്റർ വേഗതയിൽ വീശുന്ന കാറ്റിനെയും ഭൂകമ്പ പ്രവർത്തനങ്ങളെയും ചെറുക്കാൻ കഴിയുന്ന തരത്തിലാണ് പാലം നിർമിച്ചിരിക്കുന്നത്. കത്രയ്ക്കും ശ്രീനഗറിനും ഇടയിലുള്ള യാത്രാ സമയം ഏകദേശം മൂന്ന് മണിക്കൂറായി കുറയ്ക്കാൻ പാലത്തിന് കഴിയുമെന്നാണ് പ്രതീക്ഷിക്കുന്നത്. 1486 കോടി രൂപയാണ് നിർമാണ ചെലവ്.

അഞ്ജി പാലവും പ്രധാനമന്ത്രി ഉദ്ഘാടനം ചെയ്തു. ഇന്ത്യയിലെ ആദ്യത്തെ കേബിൾ സ്റ്റേ റെയിൽവേ പാലമാണ് അഞ്ജി. മേഖലയിലൂടെയുള്ള പുതിയ വന്ദേ ഭാരത് ട്രെയിനുകളും ഫ്ലാഗ് ഓഫ് ചെയ്തു. പഹൽ​ഗാം ഭീകരാക്രമണത്തിന് ശേഷം ആദ്യമായാണ് പ്രധാനമന്ത്രി നരേന്ദ്രമോദി കശ്മീരിൽ സന്ദർശനം നടത്തുന്നത്.

Highlights: Prime Minister inaugurates Chenab Railway Bridge