ലഷ്കർ ഇ ത്വയ്ബ എന്നൊരു സംഘടന പാകിസ്താനിൽ ഇല്ല, ഇന്ത്യ സാഹചര്യം സൃഷ്ടിക്കുന്നു’; പാക് പ്രതിരോധമന്ത്രി

ഇസ്ലാമാബാദ്(Islamabad): പാകിസ്താനിൽ ലഷ്കർ ഇ ത്വയ്ബ എന്നൊരു സംഘടന ഇല്ല എന്ന് പാകിസ്താൻ പ്രതിരോധമന്ത്രി ഖവാജ ആസിഫ്. ഇന്ത്യ ഒരിക്കലും ഒരു തെളിവും കൊണ്ടുവന്നിട്ടില്ല എന്നും സ്വന്തം നേട്ടത്തിനായി അവർ സാഹചര്യം സൃഷ്ടിക്കുകയാണെന്നും ആസിഫ് പറഞ്ഞു. പഹൽഗാം ആക്രമണം പാകിസ്താനെയും കശ്മീർ മേഖലയെയും പ്രതിസന്ധിയിലാക്കാൻ ഇന്ത്യ സൃഷ്‌ടിച്ച നാടകമാണെന്നും ആസിഫ് കുറ്റപ്പെടുത്തി.

അതേസമയം, പഹൽഗാമിൽ ആക്രമണം നടത്തിയ പ്രദേശവാസികളായ രണ്ട് ഭീകരരുടെ വീടുകൾ ഇടിച്ചുനിരത്തിയെന്ന് റിപ്പോർട്ട്. പ്രാദേശിക ഭരണകൂടമാണ് വീടുകൾ ഇടിച്ചുനിരത്തിയതെന്ന് വാർത്താ ഏജൻസിയായ പിടിഐ റിപ്പോർട്ട് ചെയ്തു. ഇന്നലെ രാത്രിയാണ് സംഭവം എന്നാണ് റിപ്പോർട്ട്.

Highlights: lashkar doesnt even exist in pakistan, says Pak Defence minister