അർജന്റീനയ്ക്ക് തകർപ്പൻ വിജയം; ബ്രസീലിനെ തകർത്തു, ലോകകപ്പ് യോഗ്യത ഉറപ്പാക്കി

ബ്യൂണസ് ഐറിസ് (Buenos Aires ) : ലാറ്റിനമേരിക്കൻ ഫുട്ബോളിന്റെ എക്കാലത്തെയും വമ്പന്മാരായ ബ്രസീലിനെ 4-1 എന്ന തകർപ്പൻ സ്കോറിന് കീഴടക്കി ലോകചാമ്പ്യന്മാരായ അർജന്റീന 2026 ലോകകപ്പ് യോഗ്യത നേടി. ലിയോണൽ മെസിയുടെ അഭാവത്തിലും അർജന്റീന വീര്യത്തോടെ കളം നിറഞ്ഞു. ഗിയൂലിയാനോ സിമിയോണി, ജൂലിയൻ അൽവാരസ്, അലക്‌സിസ് മാക് അലിസ്റ്റർ, എൻസോ ഫെർണാണ്ടസ് എന്നിവരാണ് അർജന്റീനക്കായി ഗോൾ നേടിയത്.

ആദ്യ പകുതിയിൽ തന്നെ മൂന്ന് ഗോളുകൾ അർജന്റീന സ്വന്തമാക്കി. നാലാം മിനിറ്റിൽ ജൂലിയൻ അൽവാരസിന്റെ ഗോൾവേട്ടക്കു തുടക്കമിട്ടു. 12-ാം മിനിറ്റിൽ എൻസോ ഫെർണാണ്ടസും ലക്ഷ്യം കണ്ടപ്പോൾ 37-ാം മിനിറ്റിൽ അലക്‌സിസ് മാക് അലിസ്റ്ററിന്റെ ഗോൾ വിജയം ഉറപ്പിച്ചു. ബ്രസീലിനായി 26-ാം മിനിറ്റിൽ മാത്തിയാസ് കൂനിയ തിരിച്ചടി നൽകി. രണ്ടാം പകുതിയിൽ ഗിയൂലിയാനോ സിമിയോണിയുടെ ഗോളിൽ അർജന്റീന കൂറ്റൻ ലീഡ് നേടി.

ഈ വിജയം ഉറപ്പിച്ചതോടെ യോഗ്യതാ പട്ടികയിൽ അർജന്റീന ഒന്നാം സ്ഥാനത്ത് തുടരുന്നു. ബ്രസീൽ തോൽവിയോടെ മൂന്നാം സ്ഥാനത്തേക്ക് താഴ്ന്നു. നെയ്മറില്ലാതെ ഇറങ്ങിയ ബ്രസീൽ പ്രതീക്ഷിച്ചത് പോലെ മികച്ച പ്രകടനം കാഴ്ചവയ്ക്കാനായില്ല. ബൊളീവിയ ഉറുഗ്വേയ്‌ക്കെതിരെ സമനില വഴങ്ങിയതോടെ അർജന്റീനയുടെ യോഗ്യത ഉറപ്പായി. എന്നാൽ, ബ്രസീലിന് ഇനി കൂടി വിജയങ്ങൾ അനിവാര്യമാണ്.

Highlights: Argentina secured a dominant 4-1 victory over Brazil, clinching qualification for the 2026 FIFA World Cup despite Lionel Messi’s absence.