തനിക്ക് എന്തിനാണ് പ്ലേയർ ഓഫ് ദി മാച്ച് നൽകുന്നത് എന്ന് ധോണി
ലഖ്‌നൗവിൽ നടന്ന മത്സരത്തിൽ ലഖ്‌നൗ സൂപ്പർ ജയന്റ്‌സിനെതിരെ അഞ്ച് വിക്കറ്റിന്റെ തകർപ്പൻ വിജയം നേടിയ ശേഷം, മത്സരത്തിലെ താരമായി തെരഞ്ഞെടുക്കപ്പെട്ടതിൽ എം എസ് ധോണി അത്ഭുതം പ്രകടിപ്പിച്ചു.
ഐപിഎൽ 2025 സീസണിലെ ചെന്നൈ സൂപ്പർ കിംഗ്‌സിന്റെ തുടർച്ചയായ തോൽവികൾക്ക് വിരാമമിട്ട മത്സരമായിരുന്നു ഇത്. ധോണി വെറും 11 പന്തിൽ 26 റൺസ് നേടി ടീമിന്റെ വിജയത്തിൽ നിർണായക പങ്കുവഹിച്ചു.2206 ദിവസത്തിന് ശേഷമാണ് ധോണിക്ക് ഒരു മാൻ ഓഫ് ദി മാച്ച് പുരസ്കാരം ലഭിക്കുന്നത് — ഇതിന് മുമ്പ് 2019ൽ രാജസ്ഥാൻ റോയൽസിനെതിരെ 75 റൺസ് നേടിയപ്പോഴായിരുന്നു ഈ പുരസ്കാരം നേടിയത്.
പുരസ്കാരം ലഭിച്ചെങ്കിലും, ധോണി ഈ പ്രകടനത്തിന്റെ ക്രെഡിറ്റ് മറ്റുള്ളവർക്ക് നൽകി.“എന്തിനാണ് എനിക്ക് ഈ അവാർഡ് തന്നതെന്ന് ഞാനും അത്ഭുതപ്പെട്ടു. നൂർ വളരെ നന്നായി പന്തെറിഞ്ഞു, ഞങ്ങളുടെ പുതിയ പന്ത് ബൗളർമാർ മികച്ച തുടക്കം നൽകി,” ധോണി പറഞ്ഞു.ഈ വിജയം ടീമിന് ആത്മവിശ്വാസം നൽകുമെന്നും, പ്രത്യേകിച്ച് ബൗളിംഗ് വിഭാഗത്തിൽ പുരോഗതിയുണ്ടെന്നും ധോണി അഭിപ്രായപ്പെട്ടു.
“ഇതുപോലൊരു ടൂർണമെന്റിൽ ഒരു കളി ജയിക്കുന്നത് നല്ലതാണ്. പവർപ്ലേയിൽ ഞങ്ങൾ ബാറ്റിംഗിലും ബൗളിംഗിലും ബുദ്ധിമുട്ടിയിരുന്നു. ഇന്ന്, ഞങ്ങൾ പന്തുകൊണ്ട് നന്നായി ഫിനിഷ് ചെയ്യുകയും സമർത്ഥമായി പിന്തുടരുകയും ചെയ്തു.”അദ്ദേഹം പറഞ്ഞു.
Highlights: Dhoni on why he is being given Player of the Match award
