കോട്ടയം: സർവകലാശാല വിവിധ കോഴ്സുകളുടെ പരീക്ഷ തീയതികളും ഫലങ്ങളും സംബന്ധിച്ച അറിയിപ്പുകൾ പുറത്തിറക്കി.
നാലാം സെമസ്റ്റർ ബി.എ, ബി.കോം (സി.ബി.സി.എസ്) പരീക്ഷകൾ ഏപ്രിൽ 29 മുതൽ ആരംഭിക്കും. മൂന്നാം സെമസ്റ്റർ എം.പി.ഇ.എസ്, ബി.പി.ഇ.എഡ് (സ്പെഷൽ സപ്ലിമെന്ററി) പരീക്ഷകൾ ഏപ്രിൽ 20 മുതൽ നടക്കും.
രണ്ടാം സെമസ്റ്റർ ബി.എൽ.ഐ.സി, എം.ആർക് പരീക്ഷാഫലങ്ങൾ പ്രസിദ്ധീകരിച്ചിട്ടുണ്ട്. പുനർമൂല്യനിർണയത്തിനും സൂക്ഷ്മ പരിശോധനയ്ക്കുമായി ഏപ്രിൽ 22 വരെ ഓൺലൈനായി അപേക്ഷിക്കാം.
പരീക്ഷ അപേക്ഷ സംബന്ധിച്ച്, രണ്ടാം സെമസ്റ്റർ ബി.വോക് പരീക്ഷയ്ക്ക് ഏപ്രിൽ 20 വരെ അപേക്ഷിക്കാം. ഫൈനോടെ 22 വരെയും സൂപ്പർ ഫൈനോടെ 24 വരെയും അപേക്ഷ സ്വീകരിക്കും. അഞ്ചാം സെമസ്റ്റർ എം.ആർക് (സപ്ലിമെന്ററി) പരീക്ഷയ്ക്കും അപേക്ഷ സ്വീകരണം പുരോഗമിക്കുന്നു.
ഇതിനുപുറമെ, ഏപ്രിൽ 20ന് ആരംഭിക്കുന്ന 3, 4 സെമസ്റ്റർ എം.എ, എം.എസ്.സി, എം.കോം പ്രൈവറ്റ് പരീക്ഷകളുടെ കേന്ദ്രങ്ങളും അനുവദിച്ചിട്ടുണ്ടെന്ന് സർവകലാശാല അറിയിച്ചു.