“ഇനി പാക്കറ്റ് പൊടി വേണ്ട; നിങ്ങളുടെ മുന്നിൽ വെച്ച് വറുത്തുകിട്ടുന്ന ഫ്രഷ് കാപ്പിപ്പൊടി! തൃശൂർ നഗരത്തിലെ ഈ കട വിശേഷം അറിയാം.”

തൃശൂർ: വിദേശ രാജ്യങ്ങളിൽ ഏറെ പ്രചാരമുള്ള ‘ലൈവ് കോഫി റോസ്റ്റിംഗ്’ അനുഭവം തൃശൂർ നഗരഹൃദയത്തിലേക്ക് എത്തിച്ച് ശ്രദ്ധേയമാവുകയാണ് നായ്ക്കനാലിലെ ‘ഫ്രഷ് കോഫി ബീൻസ്’. തിരുവമ്പാടി സ്വദേശിയായ ഹണി എന്ന വീട്ടമ്മയുടെ നേതൃത്വത്തിൽ പ്രവർത്തിക്കുന്ന ഈ സ്ഥാപനം ചുരുങ്ങിയ കാലം കൊണ്ട് തന്നെ നഗരത്തിലെ കാപ്പിപ്രേമികളുടെ പ്രിയപ്പെട്ട ഇടമായി മാറി.

പ്രമുഖ കോഫി ചെയിനായ ‘കഫേ കോഫി ഡേ’യുടെ തൃശൂർ ഔട്ട്‌ലെറ്റിൽ പത്ത് വർഷത്തോളം ജീവനക്കാരിയായിരുന്നു ഹണി. എന്നാൽ കൊറോണ കാലത്ത് ഷോപ്പ് പൂട്ടിയതോടെ വരുമാനം നിലച്ചു. ആ പ്രതിസന്ധിയിൽ നിന്നാണ് സ്വന്തമായി ഒരു സംരംഭം എന്ന ആശയം ഉദിക്കുന്നത്. ചിക്കമംഗലൂരിൽ നിന്നും മറ്റും നേരിട്ട് എത്തിക്കുന്ന പ്രീമിയം ഗുണനിലവാരമുള്ള കാപ്പിക്കുരുക്കൾ വറുത്ത് പൊടിച്ചു നൽകുന്ന ‘ഫ്രഷ് കോഫി ബീൻസ്’ അങ്ങനെയാണ് പിറവിയെടുത്തത്.

ഹണിയുടെ ഈ സംരംഭത്തിന് കരുത്തായി കൂടെയുള്ളത് മക്കളാണ്. കടയിൽ എത്തുന്നവർക്ക് മുന്നിൽ വെച്ച് തന്നെ കാപ്പിക്കുരു വറുത്ത് നൽകുന്ന (Roasting) ചുമതല മക്കൾക്കാണ് നിർവഹിക്കുന്നത്.
അറബിക്ക (Arabica), പീബെറി (Peaberry) തുടങ്ങി വൈവിധ്യമാർന്ന കാപ്പിക്കുരുക്കൾ ഇവിടെ ലഭ്യമാണ്.
ഉപഭോക്താക്കളുടെ താൽപ്പര്യത്തിനനുസരിച്ച് ഡാർക്ക് റോസ്റ്റ് (Dark Roast), മീഡിയം റോസ്റ്റ് (Medium Roast) എന്നിവ ചെയ്തു നൽകുന്നു എന്നതാണ് ഇവിടുത്തെ പ്രത്യേകത.

മികച്ച രീതിയിൽ മുന്നോട്ട് പോയിരുന്ന സ്ഥാപനം ഇപ്പോൾ ചെറിയൊരു പ്രതിസന്ധി നേരിടുകയാണ്. അന്താരാഷ്ട്ര തലത്തിലുള്ള (ഇറാൻ-ഇസ്രായേൽ) സംഘർഷങ്ങൾ കാരണം എൽ.പി.ജി (LPG) ലഭ്യതയിൽ വന്ന കുറവ് റോസ്റ്റിംഗ് മെഷീനിന്റെ പ്രവർത്തനത്തെ ബാധിച്ചിട്ടുണ്ട്. ഗ്യാസ് ക്ഷാമം പരിഹരിക്കപ്പെടുന്നതോടെ റോസ്റ്റിംഗ് പൂർണ്ണതോതിൽ പുനരാരംഭിക്കാൻ കഴിയുമെന്ന പ്രതീക്ഷയിലാണ് ഈ കുടുംബം.
തൃശൂർ എ.ആർ. മേനോൻ റോഡിൽ വിവേകോദയം സ്കൂൾ ലൈനിലാണ് ഈ വേറിട്ട സ്ഥാപനം സ്ഥിതി ചെയ്യുന്നത്. തൃശൂരിലെ കാപ്പിപ്രേമികൾക്ക് ഫ്രഷ് കാപ്പിയുടെ ഗന്ധവും രുചിയും തൊട്ടറിയാൻ ഇവിടം സന്ദർശിക്കാവുന്നതാണ്.

കൂടുതൽ വിവരങ്ങൾക്ക്:
ഫ്രഷ് കോഫി ബീൻസ് (Fresh Coffee Beans)
എ.ആർ. മേനോൻ റോഡ്, വിവേകോദയം സ്കൂൾ ലൈൻ, നായ്ക്കനാൽ, തൃശൂർ.
ഫോൺ: 8089626111