2026 ഫിഫ ലോകകപ്പിലെ ഗ്രൂപ്പ് ബി പോരാട്ടങ്ങൾക്ക് തുടക്കം കുറിച്ചുകൊണ്ട് ആതിഥേയരായ കാനഡ ഇന്ന് തങ്ങളുടെ ആദ്യ മത്സരത്തിൽ ബോസ്നിയ ആൻഡ് ഹെർസഗോവിനയെ നേരിടാൻ ഒരുങ്ങുകയാണ്. ടൊറന്റോയിലെ പുതുതായി നവീകരിച്ച ബിഎംഓ ഫീൽഡിൽ ഇന്ത്യൻ സമയം പുലർച്ചെ 12:30-നാണ് ഈ ചരിത്ര മത്സരം അരങ്ങേറുന്നത്. ഫിഫ റാങ്കിംഗിൽ 30-ാം സ്ഥാനത്തുള്ള കാനഡയും 64-ാം സ്ഥാനത്തുള്ള ബോസ്നിയയും തങ്ങളുടെ ചരിത്രത്തിലാദ്യമായി ലോകകപ്പിന്റെ നോക്കൗട്ട് ഘട്ടത്തിലേക്ക് യോഗ്യത നേടുക എന്ന ലക്ഷ്യത്തോടെയാണ് കളത്തിലിറങ്ങുന്നത്. സ്വന്തം കാണികൾക്ക് മുന്നിൽ ആദ്യമായി ഒരു ലോകകപ്പ് മത്സരം കളിക്കുന്നു എന്ന സവിശേഷത ഇത്തവണ കാനഡയ്ക്ക് അനുകൂല ഘടകമാണ്. പ്രമുഖ സ്പോർട്സ് ബെറ്റിംഗ് പ്ലാറ്റ്ഫോമായ ഫാൻഡുവൽ പുറത്തുവിട്ട ഏറ്റവും പുതിയ കണക്കുകൾ പ്രകാരം കാനഡയ്ക്കാണ് മത്സരത്തിൽ കൂടുതൽ വിജയസാധ്യത കൽപ്പിക്കപ്പെടുന്നത്.
കാനഡ തങ്ങൾ കളിച്ച അവസാന അഞ്ച് മത്സരങ്ങളിൽ മൂന്നിലും രണ്ടോ അതിലധികമോ ഗോളുകൾ നേടിയിട്ടുണ്ട്. മറുഭാഗത്ത് ബോസ്നിയ തങ്ങളുടെ അവസാന ഏഴ് മത്സരങ്ങളിൽ ആറിലും ഗോൾ കണ്ടെത്തിയിട്ടുണ്ട്. ഇതിൽ മാൾട്ടയ്ക്കെതിരെ നാലും റൊമാനിയക്കെതിരെ മൂന്നും ഗോളുകൾ നേടിയ അവരുടെ ആക്രമണനിരയുടെ ഫോം ശ്രദ്ധേയമാണ്. ഇരുടീമുകളും ഒപ്പത്തിനൊപ്പം നിൽക്കുന്നവരാണെങ്കിലും സ്വന്തം നാടിന്റെ പിന്തുണ കാനഡയ്ക്ക് ഉണ്ടാകും
ഇരുടീമുകളിലെയും മുൻനിര സ്ട്രൈക്കർമാരുടെ പ്രകടനമാകും മത്സരത്തിന്റെ ഗതി നിർണ്ണയിക്കുക. കാനഡയ്ക്കായി അന്താരാഷ്ട്ര മത്സരങ്ങളിൽ 30 ഗോളുകൾ നേടിയ കെയ്ൽ ലാറിനും 77 മത്സരങ്ങളിൽ നിന്ന് 39 ഗോളുകൾ അടിച്ചുകൂട്ടിയ ജോനാഥൻ ഡേവിഡും അണിനിരക്കുമ്പോൾ ബോസ്നിയൻ പ്രതിരോധത്തിന് അത് കടുത്ത പരീക്ഷണമാകും. എന്നാൽ, തങ്ങളുടെ 40-ാം വയസ്സിലും രാജ്യത്തിനായി 148 മത്സരങ്ങളിൽ നിന്ന് 73 ഗോളുകൾ നേടി ടീമിന്റെ നട്ടെല്ലായി തുടരുന്ന ഇതിഹാസ താരം എഡിൻ സെക്കോയിലാണ് ബോസ്നിയയുടെ മുഴുവൻ പ്രതീക്ഷകളും. ലോകകപ്പിലെ തങ്ങളുടെ ആദ്യ ആഭ്യന്തര മത്സരത്തിൽ വിജയത്തോടെ തുടങ്ങാൻ കാനഡയും, അട്ടിമറി വിജയത്തോടെ ചരിത്രം കുറിക്കാൻ ബോസ്നിയയും നേർക്കുനേർ വരുമ്പോൾ ടൊറന്റോയിൽ ഒരു ആവേശം നിറഞ്ഞ ഗോൾവേട്ടയാണ് ആരാധകർ പ്രതീക്ഷിക്കുന്നത്.
ഇരുടീമുകളുടെയും സാധ്യത ടീം ഇലവൻ
