4
കൊച്ചി: തമിഴ്നാട്ടിലെ ഗൂഡല്ലൂർ പാക്കണയിൽ കാട്ടാനയുടെ ആക്രമണത്തിൽ മലയാളിയായ 14കാരൻ ദാരുണമായി മരിച്ചു. പന്തല്ലൂർ പറക്കുന്നൻ ഹൗസിൽ ഷാജഹാന്റെ മകൻ മിസ്ഹബാണ് മരിച്ചത്.
ഇന്ന് രാത്രി എട്ട് മണിയോടെയായിരുന്നു സംഭവം. ടൗണിൽ നിന്ന് വീട്ടിലേക്ക് മടങ്ങുന്നതിനിടെയാണ് മിസ്ഹബിനെ കാട്ടാന ആക്രമിച്ചത്. ഗുരുതരമായി പരിക്കേറ്റ കുട്ടിയെ രക്ഷപ്പെടുത്താൻ നാട്ടുകാർ ശ്രമിച്ചെങ്കിലും ജീവൻ രക്ഷിക്കാനായില്ല.
സംഭവം പ്രദേശത്ത് വലിയ ദുഃഖത്തിനിടയാക്കിയിട്ടുണ്ട്. വന്യമൃഗ ശല്യം രൂക്ഷമായ മേഖലയിലാണ് അപകടം നടന്നതെന്ന് നാട്ടുകാർ പറഞ്ഞു. സംഭവത്തെ തുടർന്ന് പ്രദേശത്ത് ഭീതിയും ആശങ്കയും വ്യാപകമാണ്. വനപാലകരും പോലീസും സ്ഥലത്തെത്തി തുടർനടപടികൾ സ്വീകരിച്ചു.