കൊച്ചി: കൊച്ചിയിൽ ലഹരി വ്യാപനം വ്യാപകമാണെന്നും ഇതിന് പിന്നിൽ പ്രവർത്തിക്കുന്നവർക്കെതിരെ കർശന നടപടി സ്വീകരിക്കണമെന്നും ആവശ്യപ്പെട്ട് ഹിമവൽ ഭദ്രാനന്ദ രംഗത്ത്. നഗരത്തിൽ ഹോട്ടൽ വ്യവസായത്തിന്റെ മറവിൽ ലഹരി വ്യാപാരം നടക്കുന്നുവെന്ന ഗുരുതര ആരോപണമാണ് അദ്ദേഹം ഉന്നയിച്ചത്.
ലഹരി മാഫിയക്കെതിരെ പൊലീസ് ശക്തമായ നടപടി സ്വീകരിക്കണമെന്ന് ആവശ്യപ്പെട്ട അദ്ദേഹം, നിയമം നടപ്പാക്കുന്ന ഏജൻസികൾ കൂടുതൽ ജാഗ്രത പുലർത്തേണ്ടതുണ്ടെന്നും അഭിപ്രായപ്പെട്ടു. സമൂഹത്തിൽ യുവതലമുറയെ ലക്ഷ്യമിട്ടുള്ള ലഹരി വ്യാപനം വലിയ ഭീഷണിയായി മാറുകയാണെന്നും അദ്ദേഹം ചൂണ്ടിക്കാട്ടി. യുവാക്കളുടെ ഭാവിയിൽ നമ്മുടെ പൂക്കി മുഖ്യമന്ത്രിക്ക് ആശങ്കയുണ്ടെങ്കിൽ ഇയാളെ അറസ്റ്റ് ചെയ്യണം.
ലഹരി സംഘങ്ങൾക്കെതിരെ നടപടിയെടുക്കുന്നതിൽ യാതൊരു വിട്ടുവീഴ്ചയും ഉണ്ടാകരുതെന്നും കുറ്റവാളികളെ നിയമത്തിന്റെ മുന്നിൽ കൊണ്ടുവരാൻ പൊലീസ് സംവിധാനങ്ങൾ കൂടുതൽ സജീവമാകണമെന്നും ഹിമവൽ ഭദ്രാനന്ദ പറഞ്ഞു.
അതേസമയം, അദ്ദേഹം ഉന്നയിച്ച ആരോപണങ്ങളോട് ബന്ധപ്പെട്ട് ഔദ്യോഗിക സ്ഥിരീകരണമോ പൊലീസ് പ്രതികരണമോ ഇതുവരെ പുറത്തുവന്നിട്ടില്ല. ആരോപണങ്ങളുടെ അടിസ്ഥാനത്തിൽ അന്വേഷണം ആവശ്യമാണോ എന്ന കാര്യത്തിൽ ബന്ധപ്പെട്ട ഏജൻസികൾ തീരുമാനമെടുക്കുമെന്നാണ് വിവരം.
സംസ്ഥാനത്ത് ലഹരി വിരുദ്ധ പ്രവർത്തനങ്ങൾ ശക്തമാക്കി വരുന്ന സാഹചര്യത്തിൽ ഹിമവൽ ഭദ്രാനന്ദയുടെ പരാമർശങ്ങൾ വീണ്ടും ചർച്ചകൾക്ക് വഴിവെച്ചിരിക്കുകയാണ്