5
ന്യൂഡൽഹി: രാജ്യത്ത് പാചകവാതകമായ എൽ.പി.ജി ഉപഭോഗത്തിൽ ഗണ്യമായ ഇടിവ് രേഖപ്പെടുത്തി. മാർച്ച് മാസത്തിൽ ഉപഭോഗം ഏകദേശം 13 ശതമാനം കുറഞ്ഞതായി പുതിയ കണക്കുകൾ വ്യക്തമാക്കുന്നു.
പശ്ചിമേഷ്യൻ മേഖലയിലെ സംഘർഷത്തെ തുടർന്ന് ഉണ്ടായ വിതരണ തടസ്സമാണ് ഈ ഇടിവിന് പ്രധാന കാരണം. ഹോർമുസ് കടലിടുക്കിലെ പ്രതിസന്ധി മൂലം എൽ.പി.ജി ഇറക്കുമതിയിൽ തടസം നേരിട്ടതോടെ വാണിജ്യ ഉപഭോക്താക്കൾക്കുള്ള വിതരണം കുറയ്ക്കേണ്ടിവന്നു. ഇതിന്റെ സ്വാധീനം ഗാർഹിക ഉപഭോക്താക്കളിലും ഭാഗികമായി പ്രകടമായി.
ഇതിനിടെ, ആഭ്യന്തര ഉൽപാദനം വർധിപ്പിച്ച് പ്രതിസന്ധി മറികടക്കാനുള്ള ശ്രമങ്ങൾ സർക്കാർ ശക്തമാക്കിയിട്ടുണ്ട്. വിതരണ ശൃംഖല സാധാരണ നിലയിലാക്കുന്നതിനുള്ള നടപടികളും പുരോഗമിക്കുന്നതായി ബന്ധപ്പെട്ട അധികൃതർ അറിയിച്ചു.