സ്വര്‍ണവില മലക്കം മറിഞ്ഞു; ഇന്ന് വിലയില്‍ വന്‍ ഇടിവ്; ആഭരണം വാങ്ങാന്‍ ഭേദപ്പെട്ട സമയം

കേരളത്തില്‍ സ്വര്‍ണവില കുറഞ്ഞു. കഴിഞ്ഞ കുറച്ച് ദിവസങ്ങളായി ഉയര്‍ന്ന് നിന്നിരുന്ന വില ഇന്നലെ ഉച്ച കഴിഞ്ഞതോടെ മലക്കം മറിയുകയായിരുന്നു. ഇന്നലെ രാവിലെ 102,280 രൂപയായിരുന്ന വിപണി വില ഉച്ചയ്ക്ക് ശേഷം 880 രൂപ കുറഞ്ഞ് 1,01,400 രൂപയിലെത്തി. ഗ്രാമിന് 110 രൂപ കുറഞ്ഞ് 12,675 രൂപയും അയിരുന്നു. ഇന്ന് വീണ്ടും വില കുറയുകയാണ് ഉണ്ടായത്. രാജ്യാന്തര വിലയിലെ വര്‍ധനവ് മുതലെടുത്ത് ലാഭമെടുപ്പ് വര്‍ധിച്ചതും ഇന്ത്യന്‍ രൂപ ഡോളറിനെതിരെ മികച്ച നേട്ടം കുറിച്ചതുമാണ് സ്വര്‍ണവില കുറയാന്‍ കാരണമായത്.