തിരുവനന്തപുരം: തിരുവനന്തപുരം പ്രസ് ക്ലബിന്റെ ഇന്സ്റ്റിറ്റ്യൂട്ട് ഓഫ് ജേര്ണലിസം നടത്തുന്ന സര്ക്കാര് അംഗീകൃത ബിരുദാനന്തര ഡിപ്ലോമ ജേര്ണലിസം കോഴ്സിലേക്ക് അപേക്ഷിക്കാനുള്ള അവസാന തീയതി മേയ് 30 വരെ നീട്ടിയതായി അധികൃതർ അറിയിച്ചു. ഏതെങ്കിലും വിഷയത്തിൽ ബിരുദം നേടിയവർക്കും അവസാന വർഷ ബിരുദ പരീക്ഷാ ഫലം കാത്തുനില്ക്കുന്നവര്ക്കും കോഴ്സിലേക്ക് അപേക്ഷിക്കാവുന്നതാണ്. പ്രത്യേക അഭിരുചി പരീക്ഷയുടെ അടിസ്ഥാനത്തിലായിരിക്കും വിദ്യാർത്ഥികൾക്ക് പ്രവേശനം നൽകുക.
ഇതോടൊപ്പം പ്രസ് ക്ലബ്ബ് നടത്തുന്ന ആറ് മാസം ദൈര്ഘ്യമുള്ള സായാഹ്ന ജേണലിസം കോഴ്സില് നിലവിൽ ഒഴിവുള്ള സീറ്റുകളിലേക്കും താത്പര്യമുള്ളവർക്ക് അപേക്ഷിക്കാം. കോഴ്സുകളുടെ അപേക്ഷാ ഫോമും വിശദമായ പ്രോസ്പെക്ടസും പ്രസ് ക്ലബ്ബിന്റെ ഔദ്യോഗിക വെബ്സൈറ്റായ www.trivandrumpressclub.com എന്ന ലിങ്കിൽ ലഭ്യമാണ്. കൂടാതെ തിരുവനന്തപുരം പ്രസ് ക്ലബ്ബ് ഓഫീസിൽ നിന്ന് നേരിട്ടും അപേക്ഷകൾ കൈപ്പറ്റാം. കോഴ്സ് സംബന്ധമായ കൂടുതൽ വിവരങ്ങൾക്ക് 7591966995, 9496979690, 0471- 4614152 എന്നീ ഫോൺ നമ്പറുകളിൽ ബന്ധപ്പെടേണ്ടതാണ്. പുതിയ അധ്യയന വർഷത്തിൽ മാധ്യമരംഗത്തേക്ക് കടന്നുവരാൻ ആഗ്രഹിക്കുന്നവർക്ക് ഇതൊരു മികച്ച അവസരമായിരിക്കും.