5
ബെംഗളൂരു: കര്ണാടകയിലെ ഉത്തര കന്നഡ ജില്ലയില് കക്ക ശേഖരിക്കാന് നദിയിലിറങ്ങിയ സംഘത്തിന് നേരിട്ട ദുരന്തത്തില് എട്ട് പേര് മുങ്ങിമരിച്ചു. ഭട്കല് മേഖലയിലെ തട്ടെ ഹക്കാലു നദിയിലാണ് അപകടമുണ്ടായത്.
മരിച്ചവരില് ഏഴുപേരും സ്ത്രീകളാണെന്ന് പ്രാഥമിക വിവരങ്ങള് വ്യക്തമാക്കുന്നു. അപകടത്തില്പ്പെട്ട മൂന്ന് പേരെ ഇതുവരെയും കണ്ടെത്താനായിട്ടില്ല.
സംഭവത്തെ തുടര്ന്ന് രക്ഷാപ്രവര്ത്തകര്, പൊലീസ്, പ്രാദേശിക ഭരണകൂടം എന്നിവരുടെ നേതൃത്വത്തില് വ്യാപകമായ തെരച്ചില് തുടരുകയാണ്. നദിയിലെ ഒഴുക്കും കാലാവസ്ഥാ സാഹചര്യങ്ങളും രക്ഷാപ്രവര്ത്തനത്തെ ബാധിക്കുന്നുണ്ടെന്നാണ് വിവരം.
അപകടത്തിന് ഇടയായ സാഹചര്യങ്ങളെക്കുറിച്ച് അധികൃതര് അന്വേഷണം ആരംഭിച്ചു. പ്രദേശത്ത് ദുഃഖാന്തരീക്ഷമാണ്.