തിരുവനന്തപുരം: ഇന്ത്യൻ ബഹിരാകാശ ഗവേഷണ സ്ഥാപനമായ ഐഎസ്ആർഒയിൽ (ISRO) ജോലി നേടാൻ ആഗ്രഹിക്കുന്നവർക്ക് മികച്ച അവസരം. അസിസ്റ്റന്റ്, അപ്പർ ഡിവിഷൻ ക്ലർക്ക് (UDC), ജൂനിയർ പേഴ്സണൽ അസിസ്റ്റന്റ് (JPA), സ്റ്റെനോഗ്രാഫർ തസ്തികകളിലായി ആകെ 242 ഒഴിവുകളിലേക്ക് നിയമന വിജ്ഞാപനം പുറത്തിറങ്ങി. കേരളത്തിൽ 27 ഒഴിവുകളാണ് റിപ്പോർട്ട് ചെയ്തിരിക്കുന്നത്.
തിരുവനന്തപുരം (വി.എസ്.എസ്.സി), ബെംഗളൂരു, ശ്രീഹരിക്കോട്ട, അഹമ്മദാബാദ്, ഹൈദരാബാദ് തുടങ്ങി രാജ്യത്തെ വിവിധ ഐഎസ്ആർഒ കേന്ദ്രങ്ങളിലേക്കാണ് നിയമനം. ബിരുദമാണ് അടിസ്ഥാന വിദ്യാഭ്യാസ യോഗ്യത. എല്ലാ തസ്തികകൾക്കും കമ്പ്യൂട്ടർ പരിജ്ഞാനം നിർബന്ധമാണ്. അപേക്ഷ സമർപ്പിക്കേണ്ട അവസാന തീയതി ഓഗസ്റ്റ് 16 ആണ്.
തസ്തികകളും ഒഴിവുകളും
- അസിസ്റ്റന്റ് / യു.ഡി.സി – 150 ഒഴിവുകൾ
- ജൂനിയർ പേഴ്സണൽ അസിസ്റ്റന്റ് (JPA) / സ്റ്റെനോഗ്രാഫർ – 92 ഒഴിവുകൾ
കേന്ദ്രം തിരിച്ചുള്ള ഒഴിവുകൾ
- അഹമ്മദാബാദ് – 60
- ബെംഗളൂരു – 75
- ഹാസൻ – 3
- ഹൈദരാബാദ് – 15
- മഹേന്ദ്രഗിരി – 9
- ന്യൂഡൽഹി – 1
- ശ്രീഹരിക്കോട്ട – 49
- തിരുവനന്തപുരം – 30
വിദ്യാഭ്യാസ യോഗ്യത
അസിസ്റ്റന്റ് / യു.ഡി.സി
- അംഗീകൃത സർവകലാശാലയിൽ നിന്ന് കുറഞ്ഞത് 60 ശതമാനം മാർക്കോടെ ബിരുദം (അല്ലെങ്കിൽ 6.32/10 CGPA)
- കമ്പ്യൂട്ടർ പരിജ്ഞാനം നിർബന്ധം
ജൂനിയർ പേഴ്സണൽ അസിസ്റ്റന്റ് / സ്റ്റെനോഗ്രാഫർ
- അംഗീകൃത സർവകലാശാലയിൽ നിന്ന് കുറഞ്ഞത് 60 ശതമാനം മാർക്കോടെ ബിരുദം
- ഇംഗ്ലീഷ് സ്റ്റെനോഗ്രാഫിയിൽ മിനിറ്റിൽ 60 വാക്ക് വേഗത
- കമ്പ്യൂട്ടർ പരിജ്ഞാനം നിർബന്ധം
അല്ലെങ്കിൽ
- കുറഞ്ഞത് 60 ശതമാനം മാർക്കോടെ കമേഴ്സ്യൽ / സെക്രട്ടേറിയൽ പ്രാക്ടീസിൽ ഡിപ്ലോമ
- സ്റ്റെനോ-ടൈപ്പിസ്റ്റ് / സ്റ്റെനോഗ്രാഫറായി ഒരു വർഷത്തെ പ്രവൃത്തിപരിചയം
- ഇംഗ്ലീഷ് സ്റ്റെനോഗ്രാഫിയിൽ മിനിറ്റിൽ 60 വാക്ക് വേഗത
- കമ്പ്യൂട്ടർ പരിജ്ഞാനം നിർബന്ധം
പ്രായപരിധി
ജനറൽ വിഭാഗത്തിന് 18 മുതൽ 28 വയസ്സ് വരെയാണ് പ്രായപരിധി. ഒ.ബി.സി ഉദ്യോഗാർഥികൾക്ക് 3 വർഷവും എസ്.സി/എസ്.ടി ഉദ്യോഗാർഥികൾക്ക് 5 വർഷവും കേന്ദ്ര സർക്കാർ ചട്ടങ്ങൾ പ്രകാരമുള്ള പ്രായ ഇളവ് ലഭിക്കും.
ശമ്പളം
പേ മാട്രിക്സിലെ ലെവൽ-4 പ്രകാരം പ്രതിമാസ അടിസ്ഥാന ശമ്പളം ₹25,500 ആയിരിക്കും. ഇതിന് പുറമെ ഡി.എ, എച്ച്.ആർ.എ, ട്രാൻസ്പോർട്ട് അലവൻസ് ഉൾപ്പെടെയുള്ള മറ്റ് ആനുകൂല്യങ്ങളും ലഭിക്കും.
തിരഞ്ഞെടുപ്പ് രീതി
എഴുത്തുപരീക്ഷ, സ്കിൽ ടെസ്റ്റ്, രേഖാ പരിശോധന (ഡോക്യുമെന്റ് വെരിഫിക്കേഷൻ) എന്നിവയുടെ അടിസ്ഥാനത്തിലായിരിക്കും ഉദ്യോഗാർഥികളെ തിരഞ്ഞെടുക്കുക. കൂടുതൽ വിവരങ്ങൾക്കും വിശദമായ വിജ്ഞാപനത്തിനുമായി ഐഎസ്ആർഒ പുറത്തിറക്കിയ ഔദ്യോഗിക റിക്രൂട്ട്മെന്റ് നോട്ടീസ് പരിശോധിക്കാം.https://www.isro.gov.in/media_isro/pdf/recruitmentNotice/2026.pdf