ഫോറൻസിക് സയൻസ് മേഖലയിലെ വിദഗ്ധരായി കരിയർ കെട്ടിപ്പടുക്കാൻ ആഗ്രഹിക്കുന്നവർക്ക് മികച്ച അവസരം. രാജ്യത്തെ പ്രമുഖ വിദ്യാഭ്യാസ സ്ഥാപനമായ നാഷണൽ ഫോറൻസിക് സയൻസ് യൂണിവേഴ്സിറ്റി (NFSU) 2026-27 അധ്യയന വർഷത്തേക്കുള്ള വിവിധ പോസ്റ്റ് ഗ്രാജുവേറ്റ് പ്രൊഫഷണൽ ഡിപ്ലോമ കോഴ്സുകളിലേക്ക് അപേക്ഷ ക്ഷണിച്ചു.
ഫിംഗർപ്രിന്റ് സയൻസ്, ക്രൈം സീൻ മാനേജ്മെന്റ്, സൈബർ സെക്യൂരിറ്റി, ക്രൈം ഇൻവെസ്റ്റിഗേഷൻ ഉൾപ്പെടെ ഫോറൻസിക് സയൻസിന്റെ വിവിധ മേഖലകളിൽ പഠന അവസരങ്ങളുണ്ട്. ഗാന്ധിനഗർ, ഡൽഹി, ഗോവ, ത്രിപുര, ഭോപ്പാൽ, ഗുവാഹത്തി, ഭുവനേശ്വർ, ചെന്നൈ, ധാർവാഡ്, നാഗ്പൂർ, പൂനെ, മണിപ്പൂർ എന്നിവിടങ്ങളിലെ NFSU ക്യാമ്പസുകളിലാണ് കോഴ്സുകൾ ലഭ്യമാകുന്നത്. ചില പ്രോഗ്രാമുകൾ ഓൺലൈൻ രീതിയിലും പഠിക്കാം.
കോഴ്സുകൾ
- പോസ്റ്റ് ഗ്രാജുവേറ്റ് പ്രൊഫഷണൽ ഡിപ്ലോമ ഇൻ ക്രൈം സീൻ മാനേജ്മെന്റ്
- പോസ്റ്റ് ഗ്രാജുവേറ്റ് പ്രൊഫഷണൽ ഡിപ്ലോമ ഇൻ ഫോറൻസിക് ഡോക്യുമെന്റ് എക്സാമിനേഷൻ
- പോസ്റ്റ് ഗ്രാജുവേറ്റ് പ്രൊഫഷണൽ ഡിപ്ലോമ ഇൻ ഫോറൻസിക് ജേർണലിസം (ഓൺലൈൻ)
- പ്രൊഫഷണൽ ഡിപ്ലോമ ഇൻ കുറ്റാന്വേഷണ ഫോറൻസിക്സ്
- പോസ്റ്റ് ഗ്രാജുവേറ്റ് പ്രൊഫഷണൽ ഡിപ്ലോമ ഇൻ ഫിംഗർപ്രിന്റ് സയൻസ്
- പോസ്റ്റ് ഗ്രാജുവേറ്റ് പ്രൊഫഷണൽ ഡിപ്ലോമ ഇൻ ഫോറൻസിക് ആർക്കിയോളജി ആൻഡ് ആന്ത്രോപോളജി
- പോസ്റ്റ് ഗ്രാജുവേറ്റ് പ്രൊഫഷണൽ ഡിപ്ലോമ ഇൻ സൈബർ ക്രൈം ഇൻവെസ്റ്റിഗേഷൻ
- പോസ്റ്റ് ഗ്രാജുവേറ്റ് പ്രൊഫഷണൽ ഡിപ്ലോമ ഇൻ സൈബർ സെക്യൂരിറ്റി
- പോസ്റ്റ് ഗ്രാജുവേറ്റ് പ്രൊഫഷണൽ ഡിപ്ലോമ ഇൻ ഇൻഡസ്ട്രിയൽ ആൻഡ് ഫയർ സേഫ്റ്റി, ഹൈജീൻ ആൻഡ് എൻവയോൺമെന്റൽ മാനേജ്മെന്റ്
- പോസ്റ്റ് ഗ്രാജുവേറ്റ് പ്രൊഫഷണൽ ഡിപ്ലോമ ഇൻ സെക്യൂരിറ്റി സ്റ്റഡീസ്
- പോസ്റ്റ് ഗ്രാജുവേറ്റ് പ്രൊഫഷണൽ ഡിപ്ലോമ ഇൻ സൈബർ സൈക്കോളജി
- പോസ്റ്റ് ഗ്രാജുവേറ്റ് പ്രൊഫഷണൽ ഡിപ്ലോമ ഇൻ ഇൻവെസ്റ്റിഗേറ്റീവ് സൈക്കോളജി
- പോസ്റ്റ് ഗ്രാജുവേറ്റ് പ്രൊഫഷണൽ ഡിപ്ലോമ ഇൻ സൈബർ ലോ ആൻഡ് സൈബർ ക്രൈം ഇൻവെസ്റ്റിഗേഷൻ
- പോസ്റ്റ് ഗ്രാജുവേറ്റ് പ്രൊഫഷണൽ ഡിപ്ലോമ ഇൻ ലോ, മെഡിസിൻ ആൻഡ് ഹെൽത്ത് കെയർ
- പോസ്റ്റ് ഗ്രാജുവേറ്റ് പ്രൊഫഷണൽ ഡിപ്ലോമ ഇൻ ഡ്രഗ് ആൻഡ് സബ്സ്റ്റൻസ് അബ്യൂസ് ലോസ്
യോഗ്യത
അംഗീകൃത സർവകലാശാലയിൽ നിന്ന് ബന്ധപ്പെട്ട വിഷയങ്ങളിൽ ബിരുദം നേടിയവർക്ക് അപേക്ഷിക്കാം. സയൻസ്, മെഡിസിൻ, എഞ്ചിനീയറിംഗ്, കമ്പ്യൂട്ടർ സയൻസ്, നിയമം, കൊമേഴ്സ് തുടങ്ങിയ വിവിധ വിദ്യാഭ്യാസ പശ്ചാത്തലമുള്ള വിദ്യാർഥികൾക്ക് കോഴ്സിനനുസരിച്ച് അവസരമുണ്ട്. ഓരോ കോഴ്സിന്റെയും വിശദമായ യോഗ്യതാ മാനദണ്ഡങ്ങൾ ഔദ്യോഗിക വിജ്ഞാപനത്തിൽ പരിശോധിക്കണം.
കരിയർ സാധ്യതകൾ
ഫോറൻസിക് സയൻസ് മേഖലയിൽ പരിശീലനം നേടുന്നവർക്ക് സർക്കാർ ഫോറൻസിക് ലബോറട്ടറികൾ, പൊലീസ് വകുപ്പുകൾ, അന്വേഷണ ഏജൻസികൾ, സൈബർ ക്രൈം വിഭാഗങ്ങൾ, സുരക്ഷാ സ്ഥാപനങ്ങൾ, സ്വകാര്യ അന്വേഷണ സ്ഥാപനങ്ങൾ, ബാങ്കിംഗ് തട്ടിപ്പ് അന്വേഷണ വിഭാഗങ്ങൾ എന്നിവിടങ്ങളിൽ തൊഴിൽ സാധ്യതകളുണ്ട്.
അപേക്ഷ എങ്ങനെ?
താൽപര്യമുള്ള ഉദ്യോഗാർഥികൾ ഓൺലൈനായി അപേക്ഷ സമർപ്പിക്കണം. അപേക്ഷിക്കുന്നതിന് മുമ്പ് യോഗ്യത, കോഴ്സ് വിശദാംശങ്ങൾ, ഫീസ്, പ്രവേശന മാനദണ്ഡങ്ങൾ എന്നിവ ഔദ്യോഗിക വെബ്സൈറ്റിൽ പരിശോധിക്കണം.
വെബ്സൈറ്റ്: https://www.nfsu.ac.in/