5
തിരുവനന്തപുരം: സംസ്ഥാന സർക്കാരിന് കീഴിൽ നടത്തുന്ന പ്രിന്റിങ് ടെക്നോളജി കോഴ്സുകളിലേക്ക് അപേക്ഷ ക്ഷണിച്ചു. സാങ്കേതിക വിദ്യാഭ്യാസ വകുപ്പും കേരള സ്റ്റേറ്റ് സെന്റർ ഫോർ അഡ്വാൻസ്ഡ് പ്രിന്റിങ് ആൻഡ് ട്രെയിനിങ്ങും ചേർന്നാണ് കോഴ്സുകൾ നടത്തുന്നത്.
പത്താം ക്ലാസ് അല്ലെങ്കിൽ തത്തുല്യ യോഗ്യത നേടിയവർക്ക് അപേക്ഷിക്കാം. 2026-27 അധ്യയന വർഷത്തേക്കുള്ള അപേക്ഷ സമർപ്പിക്കേണ്ട അവസാന തീയതി ജൂൺ 5 വരെ നീട്ടിയിട്ടുണ്ട്.
ഒരു വർഷം ദൈർഘ്യമുള്ള മൂന്ന് കോഴ്സുകളാണ് ലഭ്യമാക്കുന്നത്: കെ.ജി.ടി.ഇ പ്രീ-പ്രസ് ഓപ്പറേഷൻ, കെ.ജി.ടി.ഇ പ്രസ്സ് വർക്ക്, കെ.ജി.ടി.ഇ പോസ്റ്റ്-പ്രസ് ഓപ്പറേഷൻ ആൻഡ് ഫിനിഷിങ് (പാർട്ട് ടൈം).
തിരുവനന്തപുരം ട്രെയിനിങ് ഡിവിഷനിലാണ് ക്ലാസുകൾ നടത്തുക. പ്രിന്റിങ് മേഖലയിലേക്ക് പ്രവേശിക്കാൻ ആഗ്രഹിക്കുന്നവർക്ക് ഈ കോഴ്സുകൾ മികച്ച അവസരമായിരിക്കും.