10
തൃശൂർ: ഇലക്ട്രിക് ഇരുചക്ര വാഹനത്തിൽ യാത്ര ചെയ്യുന്നതിനിടെ ഷാൾ വാഹനത്തിൽ കുടുങ്ങിയുണ്ടായ അപകടത്തിൽ അങ്കണവാടി അധ്യാപിക മരിച്ചു. പുതുരുത്തി അങ്കണവാടിയിലെ അധ്യാപികയും ആലപ്പാടൻ വീട്ടിൽ താമസിക്കുന്ന മിനി വർഗീസുമാണ് മരിച്ചത്.
ഇന്ന് രാവിലെയായിരുന്നു അപകടം. യാത്രയ്ക്കിടെ ഷാൾ ഇരുചക്ര വാഹനത്തിൽ കുടുങ്ങിയതിനെ തുടർന്ന് വാഹനം നിയന്ത്രണം വിട്ട് അപകടത്തിൽപ്പെടുകയായിരുന്നുവെന്നാണ് പ്രാഥമിക വിവരം.
അപകടത്തിൽ ഗുരുതരമായി പരിക്കേറ്റ മിനി വർഗീസിനെ ഉടൻ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല.