ന്യൂഡൽഹി: കേന്ദ്ര സർക്കാരിന്റെ വിവിധ സ്ഥാപനങ്ങളിലേക്ക് ഡെപ്യൂട്ടേഷൻ അടിസ്ഥാനത്തിൽ നിയമനം നടത്തുന്നതിനായി അപേക്ഷ ക്ഷണിച്ചു. ആകെ 348 ഒഴിവുകളിലേക്കാണ് നിയമന നടപടികൾ ആരംഭിച്ചിരിക്കുന്നത്.
സായി, വിദേശകാര്യ മന്ത്രാലയം,കമ്പനി ലോ ട്രൈബ്യൂണല്,സെന്ട്രല് അഡ്മിനിസ്ട്രേറ്റീവ് ട്രൈബ്യൂണല് എന്നിവയുൾപ്പെടെയുള്ള കേന്ദ്ര സർക്കാർ സ്ഥാപനങ്ങളിലാണ് ഒഴിവുകൾ റിപ്പോർട്ട് ചെയ്തിരിക്കുന്നത്.
കേന്ദ്ര സർക്കാർ ജീവനക്കാർക്കൊപ്പം സംസ്ഥാന സർക്കാർ ജീവനക്കാർക്കും അപേക്ഷിക്കാനാവും. വിവിധ തസ്തികകളിലായി രാജ്യത്തിന്റെ വിവിധ ഭാഗങ്ങളിലാണ് നിയമനം നടക്കുക.
യോഗ്യത, പ്രവൃത്തിപരിചയം, പ്രായപരിധി, അപേക്ഷാ നടപടിക്രമങ്ങൾ തുടങ്ങിയവ ബന്ധപ്പെട്ട സ്ഥാപനങ്ങളുടെ വിജ്ഞാപനങ്ങളിൽ വ്യക്തമാക്കിയിട്ടുണ്ട്. സർക്കാർ സേവന രംഗത്ത് പ്രവർത്തിക്കുന്ന ഉദ്യോഗസ്ഥർക്ക് കേന്ദ്ര സർക്കാർ സ്ഥാപനങ്ങളിലേക്ക് മാറാനുള്ള മികച്ച അവസരമായാണ് ഈ നിയമനം വിലയിരുത്തപ്പെടുന്നത്.