Home Kerala‘മറുപടി പറയേണ്ടത് ഞാനല്ല’; പത്മജയുടെ രാജിയിൽ പ്രതികരിക്കാതെ സുരേഷ് ഗോപി

‘മറുപടി പറയേണ്ടത് ഞാനല്ല’; പത്മജയുടെ രാജിയിൽ പ്രതികരിക്കാതെ സുരേഷ് ഗോപി

by news_desk1
0 comments

ആലപ്പുഴ: പത്മജ വേണുഗോപാൽ ബിജെപി വിട്ട സംഭവത്തിൽ പ്രതികരിക്കേണ്ടത് സംസ്ഥാന നേതൃത്വമാണെന്നും മറുപടി പറയേണ്ടയാൾ താനല്ലെന്നും കേന്ദ്രമന്ത്രി സുരേഷ് ഗോപി. പത്മജയെ ബിജെപിയിലേക്ക് കൊണ്ടുവന്നത് താനല്ലെന്നും അദ്ദേഹം വ്യക്തമാക്കി.

അതേസമയം, ഷുക്കൂർ വധക്കേസിൽ പി. ജയരാജൻ ഉൾപ്പെടെയുള്ളവരെ വെറുതെ വിട്ടത് സങ്കടകരമാണെന്നും കേസിലെ പ്രതികൾക്ക് കുടുംബത്തിന്റെ ശാപം ഏൽക്കാതിരിക്കട്ടെയെന്നും സുരേഷ് ഗോപി പ്രതികരിച്ചു.

ബിജെപിയിൽ ചേർന്നത് തെറ്റായിപ്പോയെന്നും ആ തെറ്റ് ഇപ്പോൾ തിരുത്തുകയാണെന്നുമാണ് മുൻ കോൺഗ്രസ് നേതാവ് പത്മജ വേണുഗോപാൽ വ്യക്തമാക്കിയത്. ബിജെപിയുടെ ആശയങ്ങൾ പഠിക്കാതെ എടുത്തുചാടിയതായിരുന്നു തീരുമാനമെന്നും അവർ പറഞ്ഞു.

രാജിവെക്കാനുള്ള തീരുമാനം ആദ്യം അറിയിച്ചത് കെ. മുരളീധരനെയാണ്. പദവി ലഭിക്കാത്തതിന്റെ പേരിലല്ല രാജി. ബിജെപി തനിക്ക് വാഗ്ദാനങ്ങളൊന്നും നൽകിയിരുന്നില്ലെന്നും താൻ ഒന്നും ആവശ്യപ്പെട്ടിരുന്നില്ലെന്നും പത്മജ വ്യക്തമാക്കി.

യു.ഡി.എഫ് അധികാരത്തിലെത്തുമെന്ന് അറിയാമായിരുന്നുവെന്നും എന്നാൽ കോൺഗ്രസിൽ ചേരുന്ന കാര്യത്തിൽ ഇതുവരെ തീരുമാനമെടുത്തിട്ടില്ലെന്നും അവർ പറഞ്ഞു. കോൺഗ്രസിൽ പദവി ലഭിക്കുമെന്ന പ്രതീക്ഷയിലല്ല രാജിവെച്ചത്. ആരുമായും തർക്കത്തിനില്ലെന്നും പത്മജ കൂട്ടിച്ചേർത്തു.

You may also like