8
കോഴിക്കോട്: കോഴിക്കോട് റെയിൽവേ സ്റ്റേഷനിൽ അപകടം. സ്റ്റേഷനിലെ പഴയ കെട്ടിടത്തിന്റെ ഭാഗം റെയിൽവേ ട്രാക്കിലേക്ക് തകർന്ന് വീണു. മൂന്നാം പ്ലാറ്റ്ഫോമിന് സമീപമാണ് അപകടമുണ്ടായത്.
അപകടം നടന്ന സമയത്ത് മൂന്നാം പ്ലാറ്റ്ഫോമിൽ യാത്രക്കാർ ഇല്ലാതിരുന്നതിനാൽ വലിയ ദുരന്തമാണ് ഒഴിവായത്.
സ്റ്റേഷൻ മാസ്റ്ററുടെ ഓഫീസ് ഉൾപ്പെടുന്ന പഴയ കെട്ടിടത്തിലാണ് സംഭവം ഉണ്ടായത്. കെട്ടിടത്തിന്റെ ഭാഗം ട്രാക്കിലേക്ക് പതിച്ചതോടെ റെയിൽവേ അധികൃതർ ഉടൻ സ്ഥലത്തെത്തി സുരക്ഷാ നടപടികൾ സ്വീകരിച്ചു.
സംഭവത്തെ തുടർന്ന് പ്രദേശം സുരക്ഷാ വലയത്തിലാക്കി. കെട്ടിടത്തിന്റെ ബാക്കി ഭാഗത്തിന്റെ സുരക്ഷയും സാങ്കേതിക വിദഗ്ധർ പരിശോധിച്ചുവരികയാണ്.
സംഭവവുമായി ബന്ധപ്പെട്ട കൂടുതൽ വിവരങ്ങളും ട്രെയിൻ സർവീസുകളിലുണ്ടായേക്കാവുന്ന മാറ്റങ്ങളും റെയിൽവേ അധികൃതർ പുറത്തുവിടുമെന്നാണ് പ്രതീക്ഷ.