5
തിരുവനന്തപുരം: സംസ്ഥാനത്ത് വീണ്ടും മരണാനന്തര അവയവദാനം. കൊല്ലം സ്വദേശി രാധാകൃഷ്ണൻ പോറ്റിയുടെ അവയവങ്ങളാണ് ദാനം ചെയ്യുന്നത്. രണ്ട് വൃക്കകളും കരളും ഉൾപ്പെടെ അഞ്ച് അവയവങ്ങളാണ് ദാനം ചെയ്യുക. ഇതിലൂടെ ആറുപേർക്ക് പുതുജീവൻ നൽകിയാണ് രാധാകൃഷ്ണൻ വിടവാങ്ങുന്നത്.
രാധാകൃഷ്ണൻ പോറ്റിയുടെ ഒരു വൃക്ക കോട്ടയം മെഡിക്കൽ കോളേജിലെ രോഗിക്ക് നൽകും. തിരുവനന്തപുരത്തെ കിംസ് ആശുപത്രിയിൽ നിന്ന് കോട്ടയം മെഡിക്കൽ കോളേജിലേക്ക് വൃക്ക എത്തിക്കുന്നതിനായി ഗ്രീൻ കൊറിഡോർ സജ്ജമാക്കുമെന്ന് സർക്കാർ അറിയിച്ചു.
ഈ മാസം 21നാണ് രാധാകൃഷ്ണൻ പോറ്റിയെ ആശുപത്രിയിൽ പ്രവേശിപ്പിച്ചത്. മസ്തിഷ്കത്തിലെ രക്തസ്രാവത്തെ തുടർന്ന് ഇന്നലെ വൈകുന്നേരമാണ് മരണം സംഭവിച്ചത്.
മരണാനന്തര അവയവദാനത്തിലൂടെ രാധാകൃഷ്ണൻ പോറ്റിയുടെ അവയവങ്ങൾ ആറുപേരുടെ ജീവിതത്തിന് പുതിയ പ്രതീക്ഷയാകുകയാണ്.