തൃശൂരിൽ യുഡിഎഫ് ആഘോഷം; വോട്ടെണ്ണൽ കേന്ദ്രത്തിന് മുൻപിൽ ആവേശക്കാഴ്ച

തൃശൂർ : തൃശൂരിലെ വോട്ടെണ്ണൽ കേന്ദ്രമായ ഗവൺമെന്റ് എഞ്ചിനിയറിംഗ് കോളേജിന് മുൻപിൽ യുഡിഎഫ് പ്രവർത്തകർ വിജയാഘോഷത്തിൽ മുഴുകി. തെരഞ്ഞെടുപ്പ് ഫലങ്ങൾ യുഡിഎഫിന് അനുകൂലമായി മാറിയതോടെ പ്രവർത്തകർ വലിയ ആവേശത്തോടെയാണ് ആഘോഷങ്ങൾ സംഘടിപ്പിച്ചത്.

കൈയടിയും മുദ്രാവാക്യങ്ങളുമായാണ് പ്രവർത്തകർ കേന്ദ്രത്തിന്റെ പുറത്ത് കൂടി ചേർന്നത്. പതാകകൾ വീശിയും പടക്കം പൊട്ടിച്ചും മധുരപലഹാരങ്ങൾ വിതരണം ചെയ്തും വിജയത്തിന്റെ സന്തോഷം പങ്കിട്ടു.

സംസ്ഥാനത്ത് യുഡിഎഫ് തരംഗം ശക്തമായ സാഹചര്യത്തിൽ തൃശൂരിലും മുന്നേറ്റം പ്രകടമായതോടെ പ്രവർത്തകർക്ക് ഇരട്ട ആവേശമാണ്. വോട്ടെണ്ണൽ പുരോഗമിക്കുന്നതിനിടെ തന്നെ ആഘോഷങ്ങൾ ആരംഭിച്ചതും ശ്രദ്ധേയമായി.