ന്യൂഡൽഹി: ഈദിനും ഓണത്തിനും ആശംസകൾ നേർന്ന് രാഷ്ട്രപതി ദ്രൗപതി മുർമു. ഈദ് വൈകുന്നേരമാണ് കേരളീയർക്ക് രാഷ്ട്രപതി ഓണം ആശംസിച്ചത്. ഇന്ത്യയിലും വിദേശത്തുമായി കഴിയുന്ന കേരളീയർ ഉൾപ്പെടെ രാജ്യത്തെ മുഴുവൻ പൗരന്മാർക്കും രാഷ്ട്രപതി ഓണാശംസകൾ നേർന്നു.
സമ്പന്നമായ സംസ്കാരത്തിന്റെയും സാഹോദര്യത്തിന്റെയും ഉത്സവമാണ് ഓണമെന്ന് ദ്രൗപതി മുർമു പറഞ്ഞു. വള്ളംകളി, തനത് കലാരൂപങ്ങൾ, സംഗീതം, കായിക മത്സരങ്ങൾ എന്നിവയെല്ലാം ഓണവുമായി ബന്ധപ്പെട്ടുകിടക്കുന്നു. ഇവ കേരളത്തിന്റെ മൂല്യങ്ങളും സംസ്കാരവും വിളിച്ചോതുന്നതാണെന്നും രാഷ്ട്രപതി സന്ദേശത്തിൽ പറഞ്ഞു.
ആഘോഷങ്ങൾ സന്തോഷവും സമാധാനവും സമൃദ്ധിയും ആരോഗ്യവും പ്രദാനം ചെയ്യട്ടെയെന്നും ദേശീയ പുരോഗതിക്ക് ഇവ അനിവാര്യമാണെന്നും രാഷ്ട്രപതി ആശംസിച്ചു.
മുഖ്യമന്ത്രി വി.ഡി. സതീശനും ഓണാശംസകൾ നേർന്നു. പ്രകൃതിദുരന്തങ്ങൾ സൃഷ്ടിച്ച പ്രയാസങ്ങൾ ഇപ്പോഴും പൂർണമായി മാറിയിട്ടില്ലെന്നും ഓരോ ആഘോഷങ്ങളിലൂടെയും അതിജീവനത്തിനുള്ള കരുത്തും ആത്മവിശ്വാസവുമാണ് നാം കൈവരിക്കുന്നതെന്നും മുഖ്യമന്ത്രി പറഞ്ഞു.
വിലക്കയറ്റമില്ലാത്ത ഓണാഘോഷത്തിനായി എല്ലാ സംവിധാനങ്ങളും സർക്കാർ ഒരുക്കിയിട്ടുണ്ടെന്നും അദ്ദേഹം വ്യക്തമാക്കി. സന്തോഷവും മുന്നോട്ടുള്ള യാത്രയിൽ കരുത്തും നൽകുന്നതാകട്ടെ ഇത്തവണത്തെ തിരുവോണമെന്നും മുഖ്യമന്ത്രി ആശംസിച്ചു.