5
തിരുവനന്തപുരം: വയനാട്ടിലെ മണ്ണിടിച്ചിൽ സംഭവത്തിൽ രണ്ട് തലത്തിൽ അന്വേഷണം നടത്തുമെന്ന് മുഖ്യമന്ത്രി വി.ഡി. സതീശൻ അറിയിച്ചു. അപകടമുണ്ടാകാൻ കാരണമായ സാഹചര്യങ്ങളും കേന്ദ്ര സർക്കാർ പാരിസ്ഥിതിക അനുമതി നൽകുമ്പോൾ നിർദേശിച്ചിരുന്ന സുരക്ഷാ വ്യവസ്ഥകൾ പാലിച്ചോയെന്നതുമാണ് അന്വേഷണത്തിന്റെ പ്രധാന വിഷയങ്ങൾ.
പദ്ധതി പ്രദേശത്തിന് തൊട്ടുമുകളിലായി മണ്ണിടിച്ചിൽ ഉണ്ടായതായി റിപ്പോർട്ടുള്ളതിനാൽ ആ സാഹചര്യവും വിശദമായി പരിശോധിക്കുമെന്ന് മുഖ്യമന്ത്രി വ്യക്തമാക്കി.
അപകടസാധ്യതകൾ സമഗ്രമായി വിലയിരുത്തിയ ശേഷമേ നിർമാണ പ്രവർത്തനങ്ങൾ വീണ്ടും ആരംഭിക്കുകയുള്ളൂവെന്നും, അതുവരെ എല്ലാ നിർമാണ പ്രവർത്തനങ്ങളും നിർത്തിവയ്ക്കുമെന്നും അദ്ദേഹം അറിയിച്ചു.
മന്ത്രിസഭാ യോഗത്തിന് ശേഷം നടത്തിയ വാർത്താസമ്മേളനത്തിലായിരുന്നു മുഖ്യമന്ത്രിയുടെ പ്രതികരണം.