9
തിരുവനന്തപുരം: പി.എസ്.സി പരീക്ഷാ ക്രമക്കേടുമായി ബന്ധപ്പെട്ട അന്വേഷണം ഉന്നത ഉദ്യോഗസ്ഥരിലേക്കും വ്യാപിപ്പിച്ചു. ചോദ്യപേപ്പർ മൂല്യനിർണയവുമായി ബന്ധപ്പെട്ട മൂന്ന് ഉദ്യോഗസ്ഥരുടെ മൊഴി അന്വേഷണ സംഘം രേഖപ്പെടുത്തി.
ഡെപ്യൂട്ടി സെക്രട്ടറി, ജൂനിയർ സൂപ്രണ്ട്, സിസ്റ്റം അനലിസ്റ്റ് എന്നിവരുടെ മൊഴികളാണ് അന്വേഷണത്തിന്റെ ഭാഗമായി എടുത്തത്. ഇതോടൊപ്പം മൂല്യനിർണയ നടപടികളിലുണ്ടായതായി ആരോപിക്കപ്പെടുന്ന വീഴ്ചകളിലേക്കും അന്വേഷണം വ്യാപിപ്പിച്ചിട്ടുണ്ട്.
പത്ത് മാർക്കിന്റെ ചോദ്യങ്ങൾ ഒഴിവാക്കിയാണ് മൂല്യനിർണയം നടത്തിയതെന്നാണ് അന്വേഷണത്തിൽ കണ്ടെത്തിയിരിക്കുന്നത്. വിവരണാത്മക ഉത്തരങ്ങളുടെ പരിശോധനയിൽ വീഴ്ച സംഭവിച്ചിട്ടുണ്ടോയെന്നും, മൂല്യനിർണയത്തിൽ വിവേചനാധികാരം വിനിയോഗിക്കുന്നതിനിടെ സ്വജനപക്ഷപാതം ഉണ്ടായിട്ടുണ്ടോയെന്നും വിശദമായി പരിശോധിക്കുമെന്ന് അന്വേഷണ സംഘം അറിയിച്ചു.