തിരുവനന്തപുരം: ഐഎസ്ആർഒയിൽ സയന്റിസ്റ്റ്/എഞ്ചിനീയർ ‘SC’ തസ്തികയിലേക്ക് എഞ്ചിനീയറിംഗ് ബിരുദധാരികൾക്ക് അവസരം. ഇലക്ട്രോണിക്സ്, മെക്കാനിക്കൽ, കമ്പ്യൂട്ടർ സയൻസ്, സിവിൽ, ഇലക്ട്രിക്കൽ, റഫ്രിജറേഷൻ & എയർ കണ്ടീഷനിംഗ്, ആർക്കിടെക്ചർ എന്നീ വിഭാഗങ്ങളിലായി ആകെ 92 ഒഴിവുകളാണ് റിപ്പോർട്ട് ചെയ്തിരിക്കുന്നത്. കേരളത്തിലും ഒഴിവുകളുണ്ട്. ഓൺലൈൻ അപേക്ഷ സമർപ്പിക്കേണ്ട അവസാന തീയതി ഓഗസ്റ്റ് 17 ആണ്.
ഒഴിവുകളുടെ എണ്ണം
- ഇലക്ട്രോണിക്സ് – 34
- മെക്കാനിക്കൽ – 26
- കമ്പ്യൂട്ടർ സയൻസ് – 13
- സിവിൽ – 10
- ഇലക്ട്രിക്കൽ – 4
- റഫ്രിജറേഷൻ & എയർ കണ്ടീഷനിംഗ് – 2
- ആർക്കിടെക്ചർ – 2
- പി.ആർ.എൽ. (Autonomous Body) സിവിൽ – 1
വിദ്യാഭ്യാസ യോഗ്യത
അപേക്ഷകർ ബന്ധപ്പെട്ട എഞ്ചിനീയറിംഗ് വിഷയത്തിൽ ബി.ഇ./ബി.ടെക് അല്ലെങ്കിൽ തത്തുല്യ ബിരുദം നേടിയിരിക്കണം. ആർക്കിടെക്ചർ തസ്തികയിലേക്ക് അപേക്ഷിക്കുന്നവർക്ക് ബി.ആർക്ക് യോഗ്യത നിർബന്ധമാണ്. ബിരുദ പരീക്ഷയിൽ കുറഞ്ഞത് 65 ശതമാനം മാർക്ക് അല്ലെങ്കിൽ 6.84 CGPA ഉണ്ടായിരിക്കണം.
അപേക്ഷിക്കുന്ന വിഷയവുമായി ബന്ധപ്പെട്ട സാധുവായ GATE 2025 അല്ലെങ്കിൽ GATE 2026 സ്കോർ നിർബന്ധമാണ്. GATE സ്കോറിന്റെ അടിസ്ഥാനത്തിലായിരിക്കും ഉദ്യോഗാർഥികളെ ഷോർട്ട്ലിസ്റ്റ് ചെയ്ത് തുടർ തിരഞ്ഞെടുപ്പ് നടപടികൾ നടത്തുക.
പ്രായപരിധി
2026 ഓഗസ്റ്റ് 17 അടിസ്ഥാനമാക്കി അപേക്ഷകരുടെ പ്രായം 28 വയസ് കവിയാൻ പാടില്ല. കേന്ദ്ര സർക്കാർ ചട്ടങ്ങൾ പ്രകാരം സംവരണ വിഭാഗങ്ങൾക്ക് ഉയർന്ന പ്രായപരിധിയിൽ ഇളവുകൾ ലഭിക്കും.
ശമ്പളം
തെരഞ്ഞെടുക്കപ്പെടുന്ന ഉദ്യോഗാർഥികൾക്ക് Pay Matrix Level-10 പ്രകാരം ₹56,100 അടിസ്ഥാന ശമ്പളം ലഭിക്കും. ഇതിന് പുറമെ ഡി.എ., എച്ച്.ആർ.എ., ടി.എ. ഉൾപ്പെടെയുള്ള കേന്ദ്ര സർക്കാർ ആനുകൂല്യങ്ങളും ലഭ്യമാകും.
അപേക്ഷിക്കേണ്ട വിധം
ഉദ്യോഗാർഥികൾ ഐഎസ്ആർഒയുടെ ഔദ്യോഗിക റിക്രൂട്ട്മെന്റ് പോർട്ടൽ വഴി ഓൺലൈനായി മാത്രം അപേക്ഷ സമർപ്പിക്കണം. അപേക്ഷിക്കുന്നതിന് മുമ്പ് ഔദ്യോഗിക വിജ്ഞാപനം വിശദമായി വായിച്ച് യോഗ്യത, പ്രായപരിധി, GATE സ്കോർ, ആവശ്യമായ രേഖകൾ എന്നിവ ഉറപ്പാക്കണം. അപേക്ഷ സമർപ്പിക്കാനുള്ള അവസാന തീയതി ഓഗസ്റ്റ് 17 ആണ്.