കേരള സർക്കാർ വിവര പൊതുജന സമ്പർക്ക വകുപ്പിൽ ആർട്ടിസ്റ്റ് തസ്തികയിലേക്ക് നിയമനം നടത്തുന്നതിനായി കേരള പി.എസ്.സി വിജ്ഞാപനം പുറത്തിറക്കി. ഡ്രോയിംഗിലും പെയിന്റിംഗിലുമുള്ള ഡിപ്ലോമയോ തത്തുല്യ യോഗ്യതയോ ഉള്ളവർക്ക് അപേക്ഷിക്കാം. ഓൺലൈനായി അപേക്ഷ സമർപ്പിക്കാനുള്ള അവസാന തീയതി ഒക്ടോബർ 7 ആണ്.
വകുപ്പ്: വിവര പൊതുജന സമ്പർക്കം
തസ്തിക: ആർട്ടിസ്റ്റ്
കാറ്റഗറി നമ്പർ: 130/2026
ശമ്പളം: 35,600 രൂപ മുതൽ 75,400 രൂപ വരെ
ഒഴിവുകൾ: പ്രതീക്ഷിത ഒഴിവുകൾ
പ്രായപരിധി
19 മുതൽ 43 വയസ്സ് വരെ പ്രായമുള്ളവർക്ക് അപേക്ഷിക്കാം. 1983 ജനുവരി 2നും 2007 ജനുവരി 1നും ഇടയിൽ ജനിച്ചവരായിരിക്കണം. പിന്നോക്ക വിഭാഗക്കാർക്കും പട്ടികജാതി, പട്ടികവർഗ വിഭാഗക്കാർക്കും നിയമാനുസൃതമായ വയസ്സിളവ് ലഭിക്കും.
വിദ്യാഭ്യാസ യോഗ്യത
ഡ്രോയിംഗിലും പെയിന്റിംഗിലുമുള്ള എം.ജി.ടി.ഇ അല്ലെങ്കിൽ കെ.ജി.ടി.ഇ ഡിപ്ലോമയോ തത്തുല്യ യോഗ്യതയോ ഉണ്ടായിരിക്കണം.
അംഗീകരിക്കപ്പെട്ട തത്തുല്യ/ഉയർന്ന യോഗ്യതകൾ:
- കെ.ജി.സി.ഇ ഫൈൻ ആർട്സ് ഡ്രോയിംഗ്
- കെ.ജി.സി.ഇ ഫൈൻ ആർട്സ്
- കെ.ജി.സി.ഇ ഫൈൻ ആർട്സ് ആൻഡ് ആനിമേഷൻ
- ഫൈൻ ആർട്സ് ആൻഡ് ആനിമേഷൻ സർട്ടിഫിക്കറ്റ്
- ബി.എഫ്.എ ശിൽപകല
- ബി.എഫ്.എ പെയിന്റിംഗ്
- ബി.എഫ്.എ അപ്ലൈഡ് ആർട്ട്
- ബി.എഫ്.എ ഹിയറിംഗ് ഇംപെയർഡ് ഫൈൻ ആർട്സ്
- എം.എഫ്.എ ശിൽപകല
- എം.എഫ്.എ പെയിന്റിംഗ്
- എം.എഫ്.എ അപ്ലൈഡ് ആർട്ട്
അപേക്ഷിക്കേണ്ട വിധം
കേരള പി.എസ്.സിയുടെ ഔദ്യോഗിക വെബ്സൈറ്റ് വഴി ഒറ്റത്തവണ രജിസ്ട്രേഷൻ പ്രകാരം ഓൺലൈനായി അപേക്ഷ സമർപ്പിക്കണം. അപേക്ഷാ ഫീസ് നൽകേണ്ടതില്ല.
അവസാന തീയതി: 2026 ഒക്ടോബർ 7, ബുധനാഴ്ച രാത്രി 12 മണി വരെ.
കൂടുതൽ വിവരങ്ങൾക്ക് വിജ്ഞാപനം സന്ദർശിക്കുക.
https://www.keralapsc.gov.in/sites/default/files/2026-08/noti-130-26.pdf