10
കോഴിക്കോട്: കോഴിക്കോട് മൂട്ടോളിയിൽ മാൻഹോളിൽ കുടുങ്ങി തൊഴിലാളിക്ക് ദാരുണാന്ത്യം. പാലത്ത് സ്വദേശിയായ സിറാജാണ് മരിച്ചത്. മൂട്ടോളി–കുരുവട്ടൂർ റോഡിലെ ഫലാഹ് പ്ലാസ എന്ന കെട്ടിടത്തിലാണ് അപകടമുണ്ടായത്. വാട്ടർ ടാങ്ക് നിർമാണ ജോലിക്കിടെ പ്രവർത്തിച്ചിരുന്ന തൊഴിലാളിയാണ് അപകടത്തിൽപ്പെട്ടത്.
അപകടത്തിൽ സിറാജിനൊപ്പം ഉണ്ടായിരുന്ന സഹായി വിശ്വനാഥന് ഗുരുതരമായി പരിക്കേറ്റു. അദ്ദേഹത്തെ അടിയന്തരമായി ആശുപത്രിയിൽ പ്രവേശിപ്പിച്ചിരിക്കുകയാണ്. ചികിത്സ തുടരുകയാണെന്നും ആരോഗ്യനില അതീവ ഗുരുതരമാണെന്നും ആശുപത്രി വൃത്തങ്ങൾ അറിയിച്ചു.
സംഭവത്തിൽ കൂടുതൽ വിവരങ്ങൾ ശേഖരിച്ച് വരികയാണ്.